Búgin qos Koreıanyń ortasyndaǵy shekaralyq aımaqta jolǵypy, qol alysqan qos prezıdent bir saǵatqa jýyq áńgime-dúken qurdy. Nátıjesinde qandaı halyqaralyq hám qos el múddesine jumys jasaıtyn sheshimder qabyldanǵany týraly Qamshy.kz aqparat agenttigi aıtady. 

Qos kóshbasshy saǵat boıy qaýqyldassa da, ortaq mámilege kele qoımaǵan syńaıly. Bulaı dep ton pishýimizge sebep - aldaǵy ýaqytta qos taraptan da kelissóz júrgizetin arnaıy top qurylyp, jospardy solar júzege asyratyny. Olardyń talqyǵa salatyn tańdaýly taqyryby - bólinip ketken Koreıa jartyqurlyǵyndaǵy yntymaqtastyq. 

"Biz árbirimiz kelissóz júrgizetin top quryp, atqarylatyn jumysty solarǵa tapsyrýǵa kelistik. Komandalar birqatar máseleler boıynsha jumys jasaıdy", - dedi Tramp. 

AQSH tarapynyń kelissóz júrgizetin arnaıy "jasaǵyn" qazir Soltústik Koreıadaǵy arnaıy ókil qyzmetin atqaryp otyrǵan Stıven Bıgýn atqarmaq. 

Kelissóz qorytyndysynda Tramp QHDR tarapyna salynǵan sanksıalardy ázir qaıtarýǵa qulyqsyz ekenin, biraq ýaqyt óte kele qaıtarýy múmkin ekenin jetkizdi. Sondaı-aq, Kım Chen Yndy Vashıngtonǵa shaqyryp, bul kezdesýdiń de júzege asatynyn málimdedi. 

Donald Tramp pen Kım Chen Yn arasyndaǵy áńgime saǵatqa jýyq ýaqytqa sozyldy. Kezdesýge Ońtústik Koreıa basshysy Mýn Chje Inniń qatysyp-qatyspaǵany beımálim. 

Degenmen, Ońtústik Koreıa kóshbasshysy jartyqurlyqty bólý máselesinde jáne yntymaqtastyqty nyǵaıtýǵa qos prezıdenttiń kelissózi kóp kúsh salǵanyn atap ótti.