Qazaqstan prezıdenti Qasym-Jomart Toqaev aldaǵy ýaqytta eldiń alǵashqy prezıdenti Nursultan Nazarbaevtyń negizgi bastamalarynyń birin júzege asyratynan aıtty dep jazady Qamshy.kz aqparat agenttigi Aqordaǵa silteme jasap. 

Bul týraly ol «Astana» halyqaralyq qarjy ortalyǵy sotynyń ǵımaraty men halyqaralyq arbıtrajdyq ortalyǵyn ashý rásiminde aıtqan. 

"Biz zamanaýı, kásibı jáne derbes sot júıesin qalyptastyrýǵa erekshe kóńil bólemiz. «Astana» halyqaralyq qarjy ortalyǵynyń Soty men Halyqaralyq arbıtrajdyq ortalyǵyn aǵylshyn quqyǵy qaǵıdaty negizinde qurý arqyly biz «Astana» halyqaralyq qarjy ortalyǵynyń ınstıtýsıonaldyq qurylymyn jasaýdy aıaqtaımyz. Sonymen qatar, tuńǵysh prezıdent Nursultan Nazarbaevtyń negizgi bastamalarynyń birin júzege asyramyz", – dedi Toqaev.

Prezıdentiń  aıtýynsha, «Astana» halyqaralyq qarjy ortalyǵynyń qurylýy Qazaqstannyń álemniń damyǵan otyz eliniń qataryna qosylý úshin jasaǵan qadamdarynyń biri sanalady.

"Biz munyń bıik maqsat ekenin túsinemiz. Ol turaqty ári sapaly ekonomıkalyq ósimdi, ártaraptandyrýdy, jańa ınvestısıa men tehnologıany tartýdy talap etedi. Biz reformalardan qoryqpaımyz. Sondyqtan, burynǵy KSRO aýmaǵynda alǵash ret aǵylshyn quqyǵy sot tóreliginiń jalpy júıesi aıasynda elimizde tabysty qoldanylyp otyr", – dedi Qazaqstan prezıdenti.