Danıar Aqyshev óz jumys ornynda otyr. Bul týraly Elbasynyń baspasóz hatshysy Aıdos Úkibaı habarlady dep jazady Qamshy.kz aqparat agenttigi Tengrinews saıtyna silteme bere otyryp.

–Danıar Aqyshev óz jumys ornynda otyr. Negizi qylmystyq is qozǵalǵan jaǵdaıda keńsege kelip, basshylyqty bul jaǵdaıdan habardar etedi. Biraq ondaı eshteńe bolǵan joq. Bizdiń keńse eshqandaı organnan resmı túrde qaǵaz almady,- deıdi Aıdos Úkibaı

Esterińizge sala ketsek, BAQ ókilderi Ulttyq banktiń eks-tóraǵasynyń ústinen qylmystyq is qozǵalǵany jaıly jarysa jazǵan edi. Danıar Aqyshev 9-sáýirden bastap Tuńǵysh Prezıdenttiń keńesshisi bolyp taǵaıyndalǵan. 2015 jyldyń qazan aıy men 2019 jyldyń aqpan aıy aralyǵynda Ulttyq bank tóraǵasy boldy.