"Teńizdegi" sherýden zardap shekkender úılerine oraldy dep jazady Qamshy.kz aqparat agenttigi. 

2 shildeniń tańerteńinde ıordanıalyq ınjenerler óz eline oralǵan. Halyqaralyq áýejaıdan zardap shekkenderdi Iordanıanyń SİM ókili Aıman Safadı kútip aldy. 

Iordanıa SİM-niń habarlaýynsha, 107 adamnyń 41-i ǵana jumystaryn saqtap qalǵysy keletinin aıtqan. Sondaı-aq, Iordanıanyń hanzadasy Ál Hýsseın ıbn Abdýlla zardap shekken azamattardyń qaýipsizdigin qamtamasyz etip, qoldaý kórsetiletinin aıtqan. 

Iordanıanyń azamaty Qazaqstandaǵy bolǵan jaıtty bylaı túsindirdi:

— Qazaqstandyqtar lıvandyq jigittiń áleýmettik jelige jarıalaǵan fotosyna ashýlandy. Bul foto olardyń namysyna tıdi. Keıin olar barlyq arabtardy uryp-soqty. Endi Qazaqstanǵa eshqashan barmaımyn. 

Sonymen qatar, lıvandyq 126 jumysshy da óz eline oraldy. Jumysshylardy kútip alǵan Joǵary kómek komıtetiniń bas hatshysy  óz jumysyna oralǵan kezde de Qazaqstan bıligi  jumysshylardyń qaýipsizdigine kepildik beretinin málimdedi.