Almaty qalasy Qoǵamdyq damý basqarmasy "Qazaqstan Respýblıkasyndaǵy lańkestik jáne ekstremızm máselelerin zertteý otalyǵy" qoǵamdyq qorynyń uıymdastyrýymen din, dinı ekstremızm men terorızmniń aldyn alý máseleleri boıynsha BAQ ókilderi men blogerler úshin aqparattyq oqytý semınary ótti dep habarlaıdy Qamshy.kz aqparat agenttigi. 

Semınardy teolog, ıslamtanýshy, Nur-Múbarak ýnıversıteti janyndaǵy Ekstremızmniń aldyn alý salasyndaǵy mamandardy qaıta daıarlaý ınstıtýtynyń dırektory Asqar Sabdın jáne Ál-Farabı atyndaǵy Qazaq ulttyq ýnıversıtetiniń profesory, "Qazaqstan Respýblıkasyndaǵy lańkestik jáne ekstremızm máselelerin zertteý otalyǵy" qoǵamdyq qorynyń prezıdenti Kákimjan Bıshmanov júrgizdi. 

Din, dinı ekstremızm men terorızmniń aldyn alý máseleleri boıynsha aqparat taratý kezinde jýrnalıser kóp qatelesýi múmkin. Al semınardyń basty maqsaty BAQ ókilderiniń dinı saýatyn tolyqtyryp, dinı ekstremızm men terorızmniń arajigin ajyratý. 

Semınar sońynda jýrnalıserge arnalǵan nusqaýlyqtar berilip, qatysýshylarǵa arnaıy sertıfıkattar tabys etildi. 

Esterińizge sala keteıik, úsh kún qatarynan ótken semınar 9-10 shilde kúnderi jalǵasyn tabady.