Túrkistan oblysynda áskerı bólimge jaqyn mańda órt shyqty dep habarlaıdy Qamshy.kz aqparat agenttigi tengrinews.kz saıtyna silteme jasap. Bul týraly QR İİM Tótenshe jaǵdaılar komıtetiniń baspasóz qyzmetinde habarlandy.
"6 shildede 21:02-de órtke qarsy qyzmettiń kezekshi bólimine Túrkistan oblysy Saryaǵash aýdany Saryaǵash aýylynan 120 shaqyrym jerde, №2020 áskerı bólimge jaqyn mańda qýraǵan shóp órtengeni habarlanǵan", - delingen habarlamada.
Órt 22:35-te aýyzdyqtalyp, 22:57-de tolyqtaı sóndirilgen. "Zardap shekkender men qaza tapqandar joq. Órt aýmaǵy - 3 gektar jer. Órt sóndirýge Túrkistan oblystyq TJD jeke quramynyń 22 mamany men 4 arnaıy tehnıka jumyldyrylǵan", - dep túıindedi vedomstvo ókilderi.
Pikir qaldyrý