Qazaqstan prezıdenti Qasym-Jomart Toqaev Indýstrıa jáne ınfraqurylymdyq damý mınıstri Roman Sklár keltirgen derekterge kúdikpen qarady dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

Úkimettiń keńeıtilgen otyrysynda prezıdent tranzıtten túsetin tabys máselesine toqtaldy.

"Kelesi jyly tranzıtten 5 mıllıard dollar tabys taba alamyz deımiz. Biz ol jaıynda barlyq konferensıa men forýmda aıtamyz. Osy jospardy oryndaı alamyz ba?", - dep surady Toqaev.

Mınıstr Roman Sklárdyń aıtýynsha, ótken jyly barlyq kólik túri boıynsha tranzıtten 1 mıllıard 700 mıllıon dollar túsken bolatyn.

"Bıyl osy kórsetkish 2 mıllıard 400 mıllıon dollar bolady degen jospar bar. Al kelesi jyly 3 mıllıard 300 mıllıon bolady. Negizgi sebep - syrtqy sanksıalardyń kesirinen Iranǵa jáne Kavkaz arqyly Túrkıaǵa baratyn tasymaldyń tómendeýi. Esesine elektrondy komersıanyń kólemi ósip keledi. 2025 jyly onyń kórsetkishi shamamen 3,5 mıllıard dollarǵa jetedi. Sondyqtan tranzıttiń tabysyn Qytaıdan Eýropaǵa jiberiletin sálemdemelerdiń esebinen óteıtin bolamyz", - dep Sklár málimet berdi.

Alaıda Toqaev mınıstrdiń jaýabyna qanaǵattanǵan joq.

"Otyryńyz, sizdiń baıandamańyz úlken kúdik týǵyzady. Tekserý kerek", - dedi Toqaev.