Qazaqstan Prezıdenti Qasym-Jomart Toqaev Ulttyq qoǵamdyq senim keńesiniń erejesin jáne quramyn bekitý týraly qaýlyǵa qol qoıdy dep jazady Qamshy.kz aqparat agenttigi. Toqaevtyń bul qaýlysy Aqordanyń resmı saıtynda jarıalandy.
Prezıdent bekitken Ulttyq qoǵamdyq senim keńesiniń tiziminde depýtattar, qoǵam qaıratkerleri, jýrnalıser jáne taǵy basqa salanyń ókilderi bar.
Qaýlynyń tolyq mátini tómendegideı:
"Qazaqstan Respýblıkasy Konstıtýsıasynyń 44-baby 20) tarmaqshasyna sáıkes QAÝLY ETEMİN:
- Qosa berilip otyrǵan:
1) Qazaqstan Respýblıkasy Prezıdentiniń janyndaǵy Ulttyq qoǵamdyq senim keńesi týraly ereje;
2) Qazaqstan Respýblıkasy Prezıdentiniń janyndaǵy Ulttyq qoǵamdyq senim keńesiniń quramy bekitilsin.
- Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
- Osy Jarlyq qol qoıylǵan kúninen bastap qoldanysqa engiziledi.
Qazaqstan Respýblıkasynyń
Prezıdenti Q.Toqaev
Nur-Sultan, Aqorda, 2019 jylǵy 17 shilde
№ 63
|
|
Qazaqstan Respýblıkasy |
Qazaqstan Respýblıkasy Prezıdentiniń janyndaǵy
Ulttyq qoǵamdyq senim keńesi týraly
EREJE
- Jalpy erejeler
- Qazaqstan Respýblıkasy Prezıdentiniń janyndaǵy Ulttyq qoǵamdyq senim keńesi (budan ári – Ulttyq keńes) Qazaqstan Respýblıkasynyń Prezıdenti janyndaǵy konsýltatıvtik-keńesshi organ bolyp tabylady.
- Ulttyq keńes qyzmetiniń negizgi maqsaty jurtshylyqtyń, saıası partıalardyń, azamattyq qoǵamnyń ókilderimen keńinen talqylaý negizinde memlekettik saıasattyń ózekti máseleleri boıynsha usynystar men usynymdar tujyrymdaý bolyp tabylady.
- Ulttyq keńes óz qyzmetinde Qazaqstan Respýblıkasynyń Konstıtýsıasyn, zańdaryn, Qazaqstan Respýblıkasy Prezıdentiniń aktilerin, ózge de normatıvtik quqyqtyq aktilerdi, sondaı-aq osy erejeni basshylyqqa alady.
- Ulttyq keńestiń negizgi mindetteri
- Ulttyq keńestiń negizgi mindetteri:
tujyrymdamalardyń, memlekettik baǵdarlamalardyń jáne normatıvtik quqyqtyq aktilerdiń jobalaryna qoǵamdyq saraptama júrgizý;
jurtshylyqtyń jáne azamattyq qoǵamnyń pikirin eskere otyryp mańyzdy strategıalyq problemalardy qaraý;
jurtshylyqtyń, saıası partıalardyń, úkimettik emes sektordyń jáne memlekettik organdardyń ókilderi arasynda syndarly dıalogty qamtamasyz etý;
óziniń quzyreti sheginde Qazaqstan Respýblıkasynyń zańnamasyna qaıshy kelmeıtin ózge de qyzmetti júzege asyrý bolyp tabylady.
- Ulttyq keńestiń quramy
- Ulttyq keńes onyń tóraǵasynan, orynbasarynan, múshelerinen jáne hatshydan turady.
- Ulttyq keńestiń tóraǵasy (budan ári – Tóraǵa) Qazaqstan Respýblıkasynyń Prezıdenti bolyp tabylady.
- Tóraǵa:
Ulttyq keńestiń qyzmetine jalpy basshylyq jasaıdy;
Ulttyq keńestiń otyrystaryn ótkizý orny men ýaqytyn aıqyndaıdy;
Ulttyq keńes tóraǵasynyń orynbasaryna, múshelerine jáne hatshysyna tapsyrma beredi.
- Ulttyq keńestiń quramy belgili memleket jáne qoǵam qaıratkerleriniń, saıası partıalar, úkimettik emes sektor ókilderiniń qatarynan qalyptastyrylady.
Qazaqstan Respýblıkasy Prezıdenti Ákimshiliginiń Basshysy, Qazaqstan Respýblıkasyndaǵy Adam quqyqtary jónindegi ýákil, Qazaqstan Respýblıkasyndaǵy Bala quqyqtary jónindegi ýákil, Qazaqstan kásipkerleriniń quqyqtaryn qorǵaý jónindegi ýákil óz laýazymdaryna sáıkes Ulttyq keńestiń quramyna kiredi.
Tóraǵanyń sheshimi boıynsha Ulttyq keńeske respýblıkalyq jáne jergilikti deńgeıdegi qoǵamdyq keńesterdiń ókilderi, sondaı-aq ózge de adamdar engizilýi múmkin.
- Ulttyq keńestiń sheshimderimen qoǵam damýynyń jekelegen salalary boıynsha jumys toptary qurylýy múmkin.
Jumys toptary Ulttyq keńestiń quramynan qurylady.
- Ulttyq keńestiń músheleri:
Ulttyq keńestiń jumys jospary, onyń otyrystarynyń kún tártibi men máselelerdi talqylaý tártibi boıynsha usynystar engizýge;
Ulttyq keńestiń otyrystaryna materıaldardy, onyń sheshimderiniń jobalaryn daıyndaýǵa qatysýǵa;
Ulttyq keńestiń otyrysynda qaralatyn máselelerdi qoǵamda talqylaýǵa jáne túsindirýge qatysýǵa quqyly.
Ulttyq keńestiń músheleri ózderiniń ókilettikterin basqa adamdarǵa berýge quqyǵy joq.
Ulttyq keńestiń múshelerinde Memleket basshysy qol qoıǵan, Qazaqstan Respýblıkasy Prezıdentiniń janyndaǵy Ulttyq qoǵamdyq senim keńesi múshesiniń kýáligi bolady.
- Ulttyq keńestiń hatshysy:
Ulttyq keńestiń jumys jospary jobasynyń ázirlenýin qamtamasyz etedi;
onyń otyrystarynyń kún tártibi jobasyn jasaıdy;
Ulttyq keńes otyrystary materıaldarynyń, sondaı-aq hattamalyq sheshimder jobalarynyń daıyndalýyn uıymdastyrady;
Ulttyq keńes múshelerine Ulttyq keńestiń kezekti otyrysynyń ótetin orny, ýaqyty jáne kún tártibi týraly habarlaıdy, olardy qajetti materıaldarmen ýaqtyly qamtamasyz etedi;
jekelegen jumys túrlerin júzege asyrý úshin sarapshylardy, ǵalymdardy jáne mamandardy belgilengen tártipte tartady;
óńirlerde kóshpeli konsýltatıvtik keńester ótkizedi;
Tóraǵanyń tapsyrmalary boıynsha ózge ókilettikterdi júzege asyrady.
- Ulttyq keńestiń qyzmetin uıymdastyrý
- Ulttyq keńestiń otyrystary qajettigine qaraı ótkiziledi, biraq jylyna úsh retten jıi ótkizilmeıdi.
Ulttyq keńestiń otyrystary jalpy plenarlyq jáne taqyryptyq bolyp bólinedi.
Ulttyq keńestiń otyrysynda músheleriniń jalpy sanynyń keminde jartysy qatyssa, onyń quqyqtyq kúshi bar dep esepteledi.
- Ulttyq keńestiń sheshimderi onyń otyrysyna qatysyp otyrǵan músheleriniń daýys berýi arqyly jalpy sanynyń kópshilik daýsymen qabyldanady.
Otyrysqa qatysýshylardyń daýystary teń bolǵan jaǵdaıda Tóraǵanyń daýysy sheshýshi bolyp tabylady.
Tóraǵa jekelegen máseleler boıynsha sheshimder qabyldaýdyń ózge tártibin óziniń qalaýynsha belgileýge quqyly.
- Ulttyq keńestiń sheshimderi Tóraǵa qol qoıatyn hattamamen resimdeledi.
- Ulttyq keńestiń usynymdaryn alǵan memlekettik organdar, sondaı-aq qoǵamdyq birlestikter olardy qaraıdy jáne qabyldanǵan sheshimder týraly Ulttyq keńeske Qazaqstan Respýblıkasynyń zańnamasynda belgilengen tártipte habarlaıdy.
- Ulttyq keńeste talqylanatyn memlekettik saıasattyń ózekti máseleleri men Ulttyq keńestiń otyrystarynda qabyldanǵan sheshimder jurtshylyqtyń nazaryna buqaralyq aqparat quraldary arqyly jetkiziledi, sondaı-aq Internet jelisinde ornalastyrylady.
- Ulttyq keńestiń otyrystaryna Tóraǵanyń sheshimi boıynsha Ulttyq keńestiń músheleri bolyp tabylmaıtyn laýazymdy adamdar, sondaı-aq qoǵamdyq uıymdardyń, buqaralyq aqparat quraldarynyń ókilderi shaqyrylýy múmkin.
- Ulttyq keńestiń qyzmetin qamtamasyz etý
- Ulttyq keńestiń jumys organy Qazaqstan Respýblıkasy Prezıdenti Ákimshiliginiń tıisti qurylymdyq bólimshesi bolyp tabylady.
- Ulttyq keńestiń jumys organy:
Ulttyq keńes qyzmetin aqparattyq-taldamalyq qamtamasyz etýdi júzege asyrady;
júktelgen mindetterdi oryndaýǵa qajetti aqparatty, qujattar men materıaldardy memlekettik organdar men uıymdardan suratady jáne alady;
jumys toptarynyń qyzmetin úılestirýdi júzege asyrady;
Ulttyq keńes qabyldaǵan sheshimderdiń oryndalý barysyna baqylaýdy júzege asyrady;
Ulttyq keńestiń qyzmetin qamtamasyz etý úshin qajetti ózge ókilettikterdi júzege asyrady".
Qazaqstan Respýblıkasy Prezıdentiniń janyndaǵy
Ulttyq qoǵamdyq senim keńesiniń
QURAMY:
|
Toqaev Qasym-Jomart Kemeluly |
– |
Qazaqstan Respýblıkasynyń Prezıdenti, tóraǵa |
|
Kósherbaev Qyrymbek Eleýuly |
– |
Qazaqstan Respýblıkasy Prezıdenti Ákimshiliginiń Basshysy, tóraǵa orynbasary |
|
Qarın Erlan Tynymbaıuly |
– |
Qazaqstan Respýblıkasy Prezıdentiniń keńesshisi, hatshy |
|
Ulttyq keńestiń músheleri: |
||
|
Arystanbekov Qaıyrbek Tólendiuly |
– |
Ekonomıkalyq saıasat ınstıtýtynyń prezıdenti (kelisim boıynsha) |
|
Ahmetbekov Jambyl Áýjanuly |
– |
Qazaqstan Respýblıkasy Parlamenti Májilisiniń depýtaty (kelisim boıynsha) |
|
Ábdiǵalıuly Berik |
– |
Qazaqstan Respýblıkasy Ulttyq arhıviniń «Arhıv-2025» ǵylymı-ádistemelik ortalyǵynyń basshysy (kelisim boıynsha) |
|
Ábenov Murat Abdýlámıtuly |
– |
qoǵam qaıratkeri, «Serpin» Ulttyq bilim berý jáne ınovasıa palatasynyń tóraǵasy (kelisim boıynsha) |
|
Ámirtaev Azamathan Saılaýuly |
– |
«Baıtaq bolashaq» ekologıalyq alánsy» respýblıkalyq qoǵamdyq birlestiginiń prezıdenti (kelisim boıynsha) |
|
Áshimbaev Danıar Rahmanuly |
– |
qoǵam qaıratkeri, saıasattanýshy (kelisim boıynsha) |
|
Baıtasov Armanjan Merekeuly |
– |
Qazaqstan Medıaodaǵynyń teń quryltaıshysy (kelisim boıynsha) |
|
Buqarbaı Baqytjan |
– |
qoǵam qaıratkeri, «Men oıandym» aksıasynyń qatysýshysy (kelisim boıynsha) |
|
Dorofeev Mıhaıl Vıktorovıch |
– |
jýrnalıs, «Informburo.kz» mýltımedıalyq aqparattyq-taldaý portalynyń bas redaktory (kelisim boıynsha) |
|
Espaeva Danıa Mádıqyzy |
– |
Qazaqstan Respýblıkasy Parlamenti Májilisiniń depýtaty (kelisim boıynsha) |
|
Jandosov Oraz Álıuly |
– |
«Rakýrs» ekonomıkalyq taldaý ortalyǵynyń dırektory (kelisim boıynsha) |
|
Joldybaıuly Qaırat |
– |
qoǵam qaıratkeri, dintanýshy (kelisim boıynsha) |
|
Jumaly Rasýl |
– |
qoǵam qaıratkeri, saıasattanýshy (kelisim boıynsha) |
|
Ileýova Gúlmıra Toqshalyqqyzy |
– |
áleýmettanýshy, «Strategıa» áleýmettik jáne saıası zertteýler ortalyǵy» qoǵamdyq qorynyń basshysy (kelisim boıynsha) |
|
Isa Qazybek Jarylqasynuly |
– |
qoǵam qaıratkeri, «Qazaq úni» jaýapkershiligi shekteýli seriktestiginiń prezıdenti (kelisim boıynsha) |
|
Kenjehanuly Raýan |
– |
«Ulttyq aýdarma búrosy» qoǵamdyq qorynyń atqarýshy dırektory (kelisim boıynsha) |
|
Qalıev Talǵat Begimuly |
– |
«Jastar» ǵylymı-zertteý ortalyǵynyń dırektory (kelisim boıynsha) |
|
Qojahmetov Asylbek Bazarbaıuly |
– |
«Qazaqstannyń Azamattyq alánsy» zańdy tulǵalar birlestiginiń prezıdenti (kelisim boıynsha) |
|
Qojyq Jánibek |
– |
qoǵam qaıratkeri (kelisim boıynsha) |
|
Qýat Dáýren |
– |
jýrnalıs, «Qazaq ádebıeti» gazetiniń bas redaktory (kelisim boıynsha) |
|
Quttyqadam Seıdahmet Rysqojauly |
– |
qoǵam qaıratkeri (kelisim boıynsha) |
|
Mýsın Baǵdat Batyrbekuly |
– |
kásipker, IT-maman (kelisim boıynsha) |
|
Muqıbek Aýyt |
– |
qoǵam qaıratkeri, «Nur Otan» partıasy respýblıkalyq qoǵamdyq qabyldaý bólmesiniń konsýltanty (kelisim boıynsha) |
|
Myrzahmetov Abylaı Isabekuly |
– |
«Atameken» Qazaqstan Respýblıkasy Ulttyq kásipkerler palatasynyń basqarma tóraǵasy (kelisim boıynsha) |
|
Nurbek Saıasat |
– |
saıasattanýshy, «BTS Digital» bilim berý jobalarynyń basshysy (kelisim boıynsha) |
|
Nurov Qanat Iláuly |
– |
Almaty joǵary basqarý mektebiniń jáne «Aspandaý» ǵylymı-bilim berý qorynyń prezıdenti (kelisim boıynsha) |
|
Omarova Aıman Muratqyzy |
– |
advokat, «Quqyq qorǵaýshylar» qoǵamdyq qorynyń teń quryltaıshysy (kelisim boıynsha) |
|
Orynbek Aıgúl |
– |
quqyq qorǵaýshy qaıratker (kelisim boıynsha) |
|
Oshaqbaev Rahym Sákenuly |
– |
«Talap» qoldanbaly zertteýler ortalyǵynyń dırektory, «Nur Otan» partıasy Saıası keńesiniń múshesi (kelisim boıynsha) |
|
Raqymbekov Tóleýtaı Sataıuly |
– |
«Ulttyq agrarlyq ǵylymı-bilim berý ortalyǵy» komersıalyq emes aksıonerlik qoǵamynyń basqarma tóraǵasy (kelisim boıynsha) |
|
Sadyrbaı Asqat Muratuly
Saırov Erlan Bıahmetuly |
–
– |
«Team Qazaqstan» jastar qozǵalysynyń jetekshisi (kelisim boıynsha)
Qazaqstan Respýblıkasy kásipodaqtar federasıasy tóraǵasynyń orynbasary (kelisim boıynsha) |
|
Sarym Aıdos Ámirollauly
Spotkaı Maksım Aleksandrovıch |
–
– |
qoǵam qaıratkeri, saıasattanýshy (kelisim boıynsha)
Qazaqstan halqy Assambleıasynyń múshesi, «Jańǵyrý joly» respýblıkalyq jastar qozǵalysynyń jetekshisi (kelisim boıynsha) |
|
Taıjan Muhtar Bolathanuly |
– |
qoǵam qaıratkeri, ekonomıka ǵylymdarynyń kandıdaty (kelisim boıynsha) |
|
Turmaǵambetova Jemis Ótegenqyzy |
– |
«Adam quqyqtary hartıasy» qoǵamdyq qorynyń atqarýshy dırektory (kelisim boıynsha) |
|
Tursynov Ermek Kárimjanuly |
– |
Qazaqstan kınomatografıster odaǵynyń tóraǵasy, rejıser (kelisim boıynsha) |
|
Tileýhan Bekbolat Qanaıuly |
– |
Qazaqstan Respýblıkasy Parlamenti Májilisiniń depýtaty, qoǵam qaıratkeri (kelisim boıynsha) |
|
Chebotarev Andreı Evgenevıch |
– |
«Álternatıv» ózekti zertteýler ortalyǵynyń dırektory (kelisim boıynsha) |
|
Shıbutov Marat Maqsumuly |
– |
«Transparensı Kazahstan» qoǵamdyq qory Qamqorshylar keńesiniń tóraǵasy (kelisim boıynsha) |
|
Shoraev Arman Tólegenuly |
– |
«Qazaqstan barysy» damý qory Qamqorshylar keńesiniń tóraǵasy (kelisim boıynsha) |
Pikir qaldyrý