Osy ýaqyt ishinde ony jergilikti mılısıonerler men qutqarýshylar izdegen, degenmen er adam Qara-Oı aýylyndaǵy demalys úıine taksımen ózi oralǵan. Ol eki táýlik sýda bolǵan, skýteri batyp ketken soń jaǵalaýǵa deıin birneshe kılometr júzýge týra kelgen     

Arkadıı Ystyqkóldi júzip ótý oıynda bolmaǵanyn aıtady. Degenmen skýterdi jalǵa alǵan soń ońtústik jaǵalaýǵa baryp, sonda serýendeýge sheshim qabyldaıdy. 15-20 mınýttan keıin benzıni taýsylǵan. Ol kóldiń ortasynda qutqarý jıleti jáne sýǵa túsýge arnalǵan ishkıimmen qalǵan.

"Ońtústik jaǵalaý jaqyn dep oıladym. Jaǵalaýǵa deıin shamamen 7 kılometr qaldy. Skýterde otyrǵan kúıi qolmen ese bastadym. Degenmen osy kezde qatty daýyl turyp, adam boıymen birdeı tolqyndar paıda boldy. Jel meni keri qaraı áketti", - deıdi er adam.

Osylaısha ol jaǵalaýǵa jete almaǵan, eki kún skýterde túnegen. Ekinshi túni aspan ashyq bolǵan, jaǵalaýdan jaryq kóringen. Alaıda daýyl qaıta bastalady. Tańerteń Arkadıı Kadjı-Sa aýyly aýmaǵynda bolǵan. Skýteri sýǵa batyp ketken kezde júzip jetýge sheshim qabyldaıdy.

"Úmitimdi úzbedim, nátıjesinde jaǵalaýǵa jetip, taldyń túbinde demaldym", - dep tolyqtyrdy Arkadıı.

Ol ózimen birge aqsha alyp júrgen, eldimekende shorty, aıaqkıim satyp alyp, taksımen Balyqshy eldi mekenine jetken, sol jerden pansıonatqa barady. 

Aıta keteıik, skýterdiń ıesi shyǵyndy óteý týraly aryz túsirgen. Arkadıı aqysyn tóleýge ýáde berdi.