Qazaqstan bilim jáne ǵylym mınıstriniń keńesshisi Erbolat Muhamedjan Shymkentte tabylǵan esirtkige qatysty málimdeme jasady dep habarlaıdy Qamshy.kz aqparat agenttigi.
Bul týraly mınıstrdiń keńesshisi Erbolat Muhamedjan óziniń feısbýk paraqshasynda jarıalaǵan.
"Qazaqstannyń birneshe buqaralyq aqparat quralynda Shymkent qalasy ýnıversıtetteriniń biriniń sport kesheninde jedel is-sharalar júrgizý kezinde esirtki prıtony tabylǵany týraly jańalyq jaryq kórdi. Atalǵan fakti boıynsha ol jekemenshik oqý orny ekenin habarlaımyz. Joǵarǵy oqý ornyna memlekettik bilim berý tapsyrysy berilmegen", - dedi keńesshi.
Qazirgi ýaqytta oryn alǵan oqıǵanyń mán-jaıyn anyqtaýǵa baǵyttalǵan barlyq qajetti jedel-tergeý is-sharalary júrgizilýde.
"Atap aıtqanda, Qylmystyq kodekstiń "Esirtki, psıhotroptyq zattardy, olardyń analogtaryn tutynýǵa arnalǵan prıton uıymdastyrý nemese ustaý, sondaı-aq osy maqsatta oryn-jaı berý" baby boıynsha aldyn ala tergeý júrgizilýde", - dep atap ótti Erbolat Muhamedjan.
