Qazaqstandaǵy AQSH-tyń birinshi elshisi Ýılám Kortnı prezıdent Qasym-Jomart Toqaevty Almatyda jýrnalıserge jasalǵan shabýyldy aıyptaýǵa shaqyrdy dep habarlaıdy Qamshy.kz aqparat agenttigi KazTAGqa silteme jasaı otyryp. 

"Shabýyldar, múmkin, qaýipsizdik organdary uıymdastyrǵan, Qazaqstan úkimetinde áli kúnge deıin azamattyq qoǵam jáne qarsylyq bildirýshilermen ózara qarym-qatynas strategıasynyń joqtyǵynyń belgisi bolar. Eger Toqaev jýrnalıserge jasalǵan shabýyldy aıyptamasa, onyń azamattyq qoǵammen birlesip áreket etemin degen ýádesi bos sóz bolyp qalýy múmkin", - dep atap ótti Kortnı.

Buǵan deıin habarlanǵandaı, Almatyda analardyń izine túsýge qatysty baspasóz máslıhatynda jýrnalıserge shabýyl jasalǵan edi. QazTAG HAA qyzmetkerleriniń aparatýrasynyń tartyp alynǵany, al «Almaty» telearnasy men «Azattyq Radıosynyń» kameralarynyń múldem syndyrylǵany týraly habarlanǵan edi. Polısıa shaqyrylǵan, alaıda ol quqyqbuzýshylarǵa qatysty eshqandaı shara qoldanbaǵan. 
BAQ qyzmetkerleri «Memleket analarmen jáne balalarmen kúresip jatyr» taqyrybyndaǵy baspasóz máslıhatynan habar taratpaq bolǵan. 

"2019 jyldyń 4 shildesinde Almatynyń tergeý soty QDT-ǵa (tyıym salynǵan "Qazaqstan demokratıalyq tańdaýy" qatystylyǵy boıynsha aıyptalyp jatqan Jazıra Demeýova, Gúlzıpa Jaýkerova men Oksana Shevchýkti úı qamaǵynda ustaý túrindegi bultartpas sharasyn eki aıǵa qamaýǵa alýǵa ózgertti. Qoldarynda kishkentaı náresteleri bar (sonyń ishinde emshektegi jáne erekshe qajettiligi bar) barlyq áıelge «tintý» nátıjeleri negizinde bolmaǵan mıtıńke belsendi túrde daıyndalǵan degen aıyp taǵylǵan. Oksana Shevchýktyń qorǵaýshysy qorǵalýshysynyń úıinde tintýdiń qalaı júrgizilgenin, sondaı-aq aýdandyq sot sheshimimen ekstremıstik bolyp tanylǵan uıymǵa shyn mánindegi qatysytylyǵy bar-joǵy týraly aqparmen bólisti", - delingen jaqynda jýrnalıserdiń qolyna tıgen sharanyń ańdatpasynda. 

Baspasóz máslıhatynda Oksana Shevchýktyń qorǵaýshysy Ǵalym Nurpeısov pen Oksananyń tórt balasyn tárbıeleýge alǵan onyń anasy sóıleý kerek bolatyn.

Eske salsaq, 1 mamyrda ótken Nur-Sultan men Almatydaǵy beıbit mıtıń nátıjesinde 80-ge jýyq adam ustalǵan edi. 
Qarsylyq aksıalary basqa da qalalarda ótti. Kóshege shyqqan azamattar saılaýǵa boıkot jarıalap, elordanyń ataýyn ózgertýge jáne AES qurylysyna qarsylyq bildirip, Almatyda ustalǵan belsendiler Ásıa Tólesova men Tolymbekovke qoldaý bildirgen. Olar 21 sáýirde Ásıa Tólesova men Beıbarys Tolymbekovtyń Almaty marafonynda «Ot pravdy ne ýbejısh», #ÝMENÁESTVYBOR, #ADILSAILAYUSHIN jazýy bar plakattardy ustap shyqqany úshin 15 táýlikke qamalǵan edi.

1-mamyrda qarsylyq aksıalary elimizdiń basqa da iri qalalarynda ótti. Polısıa mıtıńterdi sanksıalanbaǵan dep atap, mıtıńke shyqqan azamattardyń áreketine zań turǵysynda baǵa berýge ýáde berdi. 

Kóp balaly analardyń azamattyq aksıalarǵa qatysýy Astanada 4 aqpanǵa qaraǵan túni Saryarqa aýdany Shyńǵystaý kóshesi boıyndaǵy jeke turǵyn úıdiń aýlasynda bólek ornalasqan ýaqytsha jaıdan órt shyqqannan keıin jıilep ketken. Órtti sóndirý barysynda bes balanyń máıiti tabylǵan: 2006, 2008, 2013, 2015 jáne 2018 jyly týylǵan. Qutqarýshylar naqtylaǵandaı, ata-analar ol kezde jumysta bolǵan. Kóptegen qazaqstandyqtyń pikirinshe, eger eldegi áleýmettik-ekonomıkalyq jaǵdaı túngi aýysymdaǵy jumysqa barý úshin balalaryn qaraýsyz qaldyrýǵa týra kelmeıtindeı jaǵdaı jasasa ǵana qaıǵyly jaǵdaıdyń aldyn alýǵa bolar edi.

Qazaqstannyń birqatar óńirlerinde azamattardyń jumysqa ornalastyrý jáne jalaqylaryn kóterý týraly jappaı talap qoıýy, sondaı-aq iri qalalardaǵy, sonyń ishinde Astana men Almatydaǵy kóp balaly analardyń mıtıń ótkizýi halyqtyń kóńili tolmaýshylyqtyń nátıjesi bolyp otyr. 

Birinshi mamyrdaǵy mıtıń isi boıynsha Almatynyń tergeý soty 1 maýsym kúni keshkisin eki jalǵyzbasty áıel Jazıra Demeýova men Gúlzıpa Jaýkerovaǵa qatysty bultartpas sharasyn tańdady. Sot tyıym salynǵan uıym áreketine qatysýy múmkin kúdiktilerdi eki aıǵa úı qamaǵyna alý týraly úkim shyǵardy. Sonymen qatar úı qamaǵyna kóp balaly ana Oksana Shevchýk te alyndy. Onyń tórt balasy bar, kishkentaıy segiz aılyq. 4 shildede belgili bolǵandaı, olardyń barlyǵyna qatysty qabyldanǵan «úı qamaǵyna alý» sharasy «qamaýǵa alýǵa» aýystyrylǵan.