Qytaıdyń Harbın qalasynda eskalatormen túspek bolǵan áıel adam aıaqsyz qaldy. Qaıǵyly jaǵdaıdyń vıdeosy jelide tarady dep habarlaıdy Qamshy.kz aqparat agenttigi Stan.kz aqparat agenttigine silteme jasap. 

Oqys jaǵdaı 20-shilde kúni jergilikti saýda ortalyqtarynyń birinde boldy. Vıdeodan áıel túsip bara jatqan kezde aıaǵynyń eskalatorǵa qysylyp qalǵanyn kórýge bolady. Keıin oǵan janyndaǵylar kómektesip, mehanıkalyq baspaldaqty jóndeýge tyrysyp baqty.

Jergilikti basylymdardyń málimetinshe, eskalator áıeldiń oń aıaǵyn jaraqattap, sol aıaǵyn tizesinen tómen julyp ketken. Zıan shekken áıel shuǵyl túrde aýrýhanaǵa jetkizilip, oǵan birden ota jasaldy. 

Onyń týystary bastapqyda eskalatordyń jumys istep turǵanyn, keıin ǵana istemeı qalǵanyn aıtty. Alaıda oqıǵanyń kýágerleri baspaldaqtyń istemeı turǵanyn, tipti, oǵan baratyn joldyń jabyq bolǵanyn aıtady.