Reseıde ınternetti dúnıejúzilik ǵalamtordan aıyrýǵa daıyndyq júrip jatyr. Bul jóninde ótken aqpan aıynda Pýtın: "Ol Batys arnaıy organdarynyń oılap tapqany. Otyryp alady da tyńdaıdy, oqıdy, sóıtip qorǵanysqa qatysty aqpar jınaıdy, sondyqtan biz dúnıejúzilik ǵalamtordan ajyratylýǵa daıyn bolýymyz qajet" degen edi.

Derbes ınternet týraly zań qarasha aıynda kúshine enedi, oǵan deıin zańdy túsindiretin qosymsha aktiler men jazbalar sarapshylar men provaıderlerdiń ózderin shalqasynan túsirýde.

Mem.dýma endi elektrondyq poshtaǵa aýyz saldy - ıdentıfıkasıasyz elektrondyq poshta ashýǵa tyıym salynatyn boldy.

RF úkimeti reseılikterge "ru" zonasynan tys jerdegi saıttarǵa kirýge tyıym salýǵa usynys túsirdi.

Bizdegi qaýipsizdik sertıfıkaty degenniń qaıdan kelip jatqany endi túsinikti bolǵan shyǵar?

Jalpy ınternetpen sońǵy aılar ǵana jumys jasap jatqan sıaqtymyz. Árıne, mekemeler arasynda hat jazysý, aqparat almasý, bankterdegi operasıalar derbes jumys jasaı berýi múmkin, biraq burynǵydaı dúnıe júziniń kez-kelgen núktesimen emin-erkin aqparat almasyp otyrý bolmaýy ǵajap emes. Bul XXI ǵasyr emes, XIX ǵasyr bolyp jatsa tań qalmaımyn.