Almatynyń Túrksib aýdanynda jumys istemeı turǵan meshitten órt shyqty dep habarlaıdy Qamshy.kz aqparat agenttigi Tengrinews.kz saıtyna silteme jasap.
Málimetti qalalyq TJD ókilderi rastady. "23.14-de Almaty TJD "101" púltine Túrksib aýdany, Jasqanat yqshamaýdany, Baımaǵambetov kóshesi, 131 úıdiń janynda ornalasqan jumys istemeıtin meshittiń órtenip jatqany týraly habarlama kelip tústi.
Alǵashqy órt sóndirý qyzmeti 7 mınýttan keıin, saǵat 23.21-de oqıǵa ornyna jetti. Órt sóndirilip jatyr", - dep habarlady Almaty qalasy TJD resmı ókili Sandýǵash Baımuhambetova.
Jalyn sharpyǵan aýmaq anyqtalyp jatyr. Eshkim zardap shekpegen. Keıin TJD ókilderi órttiń 00.23-de sóndirilgenin habarlady.
Pikir qaldyrý