Atyraýda túıelerdiń qyrylý sebebin anyqtap jatyr dep habarlaıdy Qamshy.kz aqparat agenttigi QazAqparat-qa siltee jasap. 

Janýarlar Teńiz munaı-gaz ken orny ornalasqan Jylyoı aýdanynda qyrylyp jatyr. Aqqyztoǵaı aýylynda 10-nan astam janýar ólse, keıin Qulsary aýdan ortalyǵyndaǵy jeke qoralarda túıeler qyryla bastaǵan.

«Sý men shóptiń synamasy alyndy, biraq Atyraý zerthanasynda eshqandaı aýytqý tabylmady. Qazirgi ýaqytta taǵy da synama, sonyń ishinde janýarlar jaıylǵan jaılaýlardan da synamalar alyndy», - dep habarlady oblystyq veterınarıa basqarmasynyń basshysy Azamat Aıtqalıev.

 Eske salaıyq, kóktemde Atyraý oblysy Qurmanǵazy aýdanyndaǵy sharýa qojalyqtarynyń birinde bir jarym myń qoı jappaı qyrylǵan edi. Olardyń neden qyrylǵanyn anyqtaý úshin birneshe aı qajet boldy. Keıin astanalyq mamandar «sheshek aýrýy» degen dıagnoz qoıdy.