Qyrǵyzstannyń soltústiginde halyq Solton-Sary keninen qytaılardyń ketýin talap etti dep habarlaıdy Qamshy.kz aqparat agenttigi centralasian.org saıtyna silteme jasap.
Naryn oblysyna qarasyty Soltan-Sary kenine shamamen 50 adam jınaldy. Kombınatty qytaıdyń "Jorjı Maınıng" kompanıasy salyp jatyr.
Jınalǵan halyq qytaı kompanıasynyń Solton-Sarydan ketýin talap etti.
Azattyq radıosy tilshisiniń habarlaýynsha, ken mańynda janjal bolyp, jergilikti turǵyndar kompanıanyń bir qyzmetkerin soqqyǵa jyqqan. Naryn oblysynyń gýbernatory Amanbaı Kaıypov halyqpen kelissóz júrgizý úshin Solton-Saryǵa attanǵan.
Bunyń aldynda, 4 tamyzda osy jerde shamamen 30-ǵa jýyq malshy pıket ótkizip, qytaı kompanıasyn aıyptaǵan.
Sol kezde Naryn aýdany ákiminiń orynbasary Janysh Ibraımakýnov bolǵan oqıǵaǵa quqyqtyq baǵa beriletinin eskertken.
Qytaıdyń "Jorjı Maınıng" kompanıasynyń halyqpen baılanys bóliminiń qyzmetkeri Malık Kamılovtyń habarlaýynsha, bir kún buryn kende bolǵan jaǵdaıǵa qatysty kináli dep tanylǵan jaǵdaıda, kompanıa jaýapkershilikti kóterýge daıyn.
Eske salaıyq, 3 tamyzda Solton-Saryda jergilikti turǵyndar men kompanıa ókilderi arasynda janjal bolyp, Ottýk aýylynyń eki turǵyny zardap shekken. Qazir olar aýrýhanada jatyr. Qytaı kompanıasynyń 12 ókili Naryn aýdandyq ishki ister bóliminde tergeýden ótip jatyr.
Pikir qaldyrý