Komıtet arnaıy jasaq tek rezeńke oqtarmen qarýlanǵanyn, operasıa jalǵasyp jatqanyn málimdedi.
7 shilde Bishkek ýaqyty boıynsha keshki segiz shamasynda Koı-Tashtaǵy Atambaev úıine arnaıy jasaq kelgeni belgili boldy. Atambaevtyń jaqtasy Mırbek Aıtıkeev áleýmettik jelide tikeleı translásıa taratty. Vıdeoda Atambaev úıiniń mańynda maska jáne arnaıy jasaqtyń formasyn kıgen qarýly adamdar kórindi. Vıdeodan myltyqtyń daýysy da estildi.
Azattyqtyń Qyrǵyz qyzmeti kem degende 15 adamnyń jaralanǵanyn, birazyn aýrýhanaǵa alyp ketkenin habarlady. Jaralanǵandardyń arasynda 24.kg saıtynyń tilshisi Aıda Jýmasheva da bar. Onyń aıaǵyna rezeńke oq tıgen. Eldiń densaýlyq mınıstrligi Koı-Tashqa 8 jedel járdem brıgadasy jiberilgenin málimdedi.
Azattyqtyń Qyrǵyz qyzmetiniń tilshileri Koı-Tash aımaǵynda uıaly baılanys nasharlaǵanyn, aýylǵa kireberiste polıseıler turǵanyn habarlady. Atambaevtyń jaqtastary Koı-Tashqa kirer joldaǵy aǵashtardy qulata bastaǵany da aıtyldy.
Dál qazirgi oqıǵa qalaı bolyp jatyr?
♦Oqı otyryńyz: Atambaevtyń aınalasyndaǵy daý-damaı qalaı bolyp jatyr?(vıdeo)
Pikir qaldyrý