Sársenbi kúni arnaıy jasaq úıine shabýyl jasaǵan Qyrǵyzstannyń eks-prezıdenti Almazbek Atambaev bılikten ózine kúsh jumsamaýǵa shaqyrdy dep jazady Qamshy.kz aqparat agenttigi interfax.ru saıtyna silteme jasap. 

«Búgin meni ustap áketpek boldy. Ókinishke oraı, beıbit turǵyndar japa shekti. Sebebi, tutqynǵa alýǵa «Álfa» arnaıy  jasaǵy jiberildi. Atambaevtyń aýzyn jaýyp, qamaýǵa alyp nemese óltirýi úshin bılik beıbit turǵyndardy atýǵa deıin bardy. Bul shekten shyqqandyq» - dedi Atambaev ózine tıelisi «Aprel» telearnasynyń efırinde.

Burynǵy prezıdent óziniń de, Qoı-Tash aýylyndaǵy úıinde jınalǵandardyń da terrorıst emes ekenin málimdedi. Biraq áskerı kúsh jumsalǵan. «Ókinishke oraı, bılik meniń zań sheńberine shyǵaıyq degen usynysymdy qabyldamady.  Men birneshe ret qaǵaz júzinde jaýap jazyp, BAQ arqyly suraqtaryna jaýap berýdi de usyndym. Biraq odan bas tartty. Qazirdiń ózinde barlyq suraqqa jaýap berýge daıynmyn. Mysaly, Batýkaevtyń (krımınaldy mansaby úshin 2013 jyldyń sáýir aıynda zańsyz bostandyqqa shyqqan) isine qatysty. Oǵan meniń túk te qatysym joq» - dedi Atambaev.

Ol bılikti «oılanyp», «zań sheńberine» kirip, «óz halqyna oq atpaýǵa»  shaqyrdy.

Eske salaıyq, keshe, 7 tamyzda Qyrǵyzstanda Atambaevty ustaý operasıasy júrip jatqany habarlanǵan edi.  Prezıdenttiń rezıdensıasy aınalasynda tikushaq ushyp júrgeni aıtylǵan bolatyn. Jýrnalıserdiń málimetinshe, Atambaevtyń jaqtastary kirgen kıiz úıge jaryq-dybys granatasy laqtyrylǵan.