Almatyda 28 gvardıashy-panfılovshylar saıabaǵynda belgisiz adam tapanshadan birneshe ret áýege oq atqan dep habarlaıdy Qamshy.kz aqparat agenttigi Almaty qalasynyń polısıa departamentiniń baspasóz qyzmetine silteme jasap. 

"Medeý aýdanynyń tergeý bólimi buzaqylyq jáne qarýdy zańsyz alý, saqtaý jáne alyp júrý faktileri boıynsha qylmystyq isti tergeýde. Tańerteń 28 gvardıashy-panfılovshylar saıabaǵynda aıyptalýshy tapanshamen birneshe ret áýege oq atqan. Aıyptalýshynyń is-áreketi qoǵamǵa tártipti buzyp, basqa turǵyndarǵa qaýip týǵyzdy", - deıdi habarlamada. 

Departament habarlaýynsha, 25 jastaǵy kúdikti azamat ustaldy. Tárkilengen qarýlarǵa sot-ballıstıkalyq saraptama taǵaıyndalyp, olardyń shyǵý tegi, aty-jóni, sondaı-aq kez kelgen qylmysqa qatysy bar-joǵy tekseriledi.

"Sotqa deıingi tergeý qylmystyq kodekstiń 287-baby 3-bóligi, 293-baby, 3-bóligi boıynsha ótkizildi", - dep habarlaıdy Medeý aýdandyq polısıa departamentiniń maıory Bolat Totybaev.

Almaty aýdanaralyq mamandandyrylǵan tergeý soty kúdiktige qatysty eki aı merzimge qamaýǵa alý túrindegi jaza qoldandy. Sotqa deıingi tergeý organy kúdiktiniń Almaty qalasynyń aýmaǵynda basqa da qylmystyq quqyq buzýshylyqtarǵa qatysy bar-joǵyn tekseredi.