Fotoóner jáı ǵana apparattyń shúrippesin basý degendi bildirmeıdi. Tabıǵı, kórkem, boıaýy qanyq ári tilsiz sóıleıtin fotosýretti halyqqa usyný - fotoónerdiń has sheberiniń ǵana qolynan keledi. Keı adamdardyń boıynda fotoǵa túsirý qabileti jasyrynyp jatýy da múmkin. Ony bilý úshin eń birinshi baq synap kórý kerek.

Jastardyń shyǵarmashylyq qabiletterin ashyp, fotoónerge beıimdeý, fotoónerdi izgi maqsattarǵa qoldanýǵa shaqyrý maqsatynda www.kalaisyn.kz jastar portaly«Fotolavka»  mamandandyrylǵan sandyq  fototehnıka dúkenimen birigip 1 maýsym - balalardy qorǵaý kúni qarsańynda «Baqytty balalyq» atty qazaqstandyq kásibı jáne áýesqoı fotograftar arasynda fotobaıqaý uıymdastyrmaqshy.

Fotobaıqaýdy Balalardy qorǵaý kúnine arnaýdyń da ózindik syry bar. Sábıdiń rıasyz kúlkisi – ol beıbitshiliktiń nyshany, ol – baqyttyń nyshany. Sol baqytty sátti sheberlikpen kórsete bilý – baqyt pen qýanyshty kópshilikpen bólisý.  Portalǵa sýretter 2013 jyldyń 20 mamyryna deıin qabyldanady. Kelip túsken sýretter iriktelip, mamyrdyń 20-sy men 30-y aralyǵynda daýysqa túsedi.  Maýsym balalardy qorǵaý kúni – jeńimpaz anyqtalady.

İ oryn – Epson L800 prınteri

İİ oryn – Compact Flash Transcend 32 Gb

İİİ oryn – fotoaparatqa arnalǵan Vanguard sómkesi.

Baqytty sáttermen bólisip, baq synap kórińizder.