Teńizdegi jaǵdaı Qaraǵandyda qaıtalandy dep jazady Qamshy.kz aqparat agenttigi. Bul týraly Aısultan Jaqypov atty feısbýk qoldanýshysy habarlady. 

"Teńizdegi oqıǵa esterińizde me? Qaraǵandy oblysynda Jáırem degen kent bar. Óndiris ornynda týra Teńizdegideı jaǵdaı qaıtalandy. Oqıǵa búgin keshke oryn alǵan. Máseleniń basy sheteldik jigitpen qazaq qyzynyń qatynasynan shyqqan. Degenmen, ushqynnyń otqa aınalýynyń basty sebebi de bar. Jáıremde Polımetalıcheskıı zaýyt salynyp jatyr. Eki jarym myń adam jumys istep jatyr degen aqparat bar. Soǵan jergilikti jigitterdi jumysqa ala qoımaıdy eken. Jergilikti jigitter jan-jaqta vahtada júr, aýylda jumys izdep júr degendeı.

Kúrmeýli jip osy tusta sheshilip ketken. Elý shaqty jigit KPP-ny buzyp ótken. Sheteldikterdi sabaǵan. 6 adamdy alyp ketken. Qazir kóshede júzden astam jigit tur. Olarǵa kúshtik qurylymdar bara jatyr oblystan. Másele ýshyǵyp tur", – dep jazdy Aısultan Jaqypov.