Almatylyq úsh álpınıs Murat Ótebaev, Andreı Korneev jáne Aleksandr Chechýlın «Jeńis» shyńynda qalyp qoıdy dep jazady Qamshy.kz aqparat agenttigi. 

Bul týraly joǵalǵan álpınıserdiń biriniń qyzy Aıgúl Mataı: "Olar 6600 metr bıiktikte qalyp qoıdy, tómen túsýge eshqandaı múmkindikteri joq",-  dep jazdy óziniń Instagram paraqshasynda.

"Aýa- raıynyń qolaısyzdyǵy men qajetti qural-jabdyqtardyń jetispeýinen álpınıser toby bazalyq lagerge ýaqytynda túse almady. Aman qalǵan Murat Ótepbaev pen Andreı Korneev eshkimmen baılanysa almaıdy", - dep jazdy Aıgúl.

Resmı málimetter boıynsha, joǵalǵan alpenısterdiń biri Aleksandr Chechýlın qaıtys bolǵan. Qalǵan ekeýimen baılanys joq.

Alpenısterdiń joǵalýyna qatysty qazir jedel izdestirý jumystary bastalǵan. Bul týraly Almaty qalasynyń ákimi Baqytjan Saǵyntaev Instagram paraqshasynda jazdy. 

Tań ata dabyldy habar jetti: İle Alataýynyń qyrǵyz jaǵynda qazaqstandyq bir top álpınıser iz-túzsiz joǵalyp ketken. Jigitterimiz Qyrǵyzstan aýmaǵynda bolǵandyqtan, SİM men İİM jumysty úılestirýdemiz. İİM izdeý-qutqarý jumystary bastaldy. Hantáńiri taýynan izdestirý ornyna quramynda taýda jaıaý júrip izdeıtin qutqaratyn top bar tikushaq jiberildi. Qıyndyǵy sol, tikushaq bıik shyńdar ústimen usha almaıdy. Shyńnyń bıiktigi 4500 metr. Odan ári qaraı izdestirý toby men eriktiler jumystaryn bastaıdy. Qyrǵyz áriptesterimiz qoldaý kórsetedi dep senemiz", - dep jazdy Baqytjan Saǵyntaev.