Májilis depýtaty Vladımır Bojko qazaqstandyqtar bıliktiń aldynda tizerlep turyp, alǵys aıtý kerek dep esepteıdi dep jazady Qamshy.kz aqparat agenttigi. Bul týraly depýtat keshe ótken Qazaqstan halqy Assambleıasy Keńesiniń keńeıtilgen otyrysynda aıtty. 

"Bıliktiń ne istep jatqanyn kórip, túsinistik tanytý kerek. Iá, bir ǵana derek boıynsha - úsh jyl ishinde halyqtyń áleýmettik qoldaýy 17 ese ósti. Bul úshin, keshirińiz meni, qazaqstandyqtar bılikke tizerlep turyp, rızashylyǵyn bildirýi kerek", - dedi Bojko.

Depýtattyń bul málimdemesi kópshiliktiń narazylyǵyn týdyrdy. Tanymal akter Nurtas Adambaı da depýtatty synǵa aldy. 

"Depýtat Bojko, eger siz memlekettik kómek «17 ese ósse» tıimdi bolyp, onda kómekke muqtaj otbasylar sany búginde azdaý bolar edi dep oılamadyńyz ba? Adamdar jaǵdaıy jaqsy bolǵandyqtan kómek surady dep esepteısiz be? Az qamtylǵan otbasylardyń jaǵdaıyn óz kózińizben kórdińiz be? Halyq bılik aldynda tizerlep turyp alǵys aıtý kerek pe? Senimdisiz be? Jalpy memlekettik qyzmetker ózi múddelerin qorǵaýǵa tıisti adamdarǵa qatysty osyndaı pikir bildirýi durys pa? Zeınetke shyǵatyn kez kelmedi me, Bojko?", - dep jazdy Nurtas Adambaı óziniń feısbýk paraqshasynda.