Búgin, 6 qyrkúıekte Almatydaǵy "Baraholka" bazarynda túski ýaqytta bastalǵan órt sóndirilip bitti dep jazady  Qamshy.kz aqparat agenttigi. Bul týraly agenttiktiń oqıǵa ornynda júrgen tilshisine Almaty qalasy Alataý aýdandyq tótenshe jaǵdaılar bóliminiń basshysy Narıman Erjanov aıtty.  

Erjanovtyń aıtýynsha, órttiń aýdany 2200 sharshy metrdi quraǵan. 

"Aldyn ala derekter boıynsha órttiń jalpy aýmaǵy 2200 sharshy mertdi qurady. Órt saǵat 17.09-da sóndirilip bitti. Zardap shekkender men qurban bolǵandar joq. Órtti sóndirý úshin Qazavıaqutqarý (KA-32) jáne SSA-109 (MI-8) borttarymen 29 ret sý shashyldy", - dedi Erjanov. 

"Qamshy. kz" tilshisiniń aıtýynsha, órt sóndirýshiler qazir órt shyqqan qoımadaǵy byqsyp janyp jatqan kishigirim órtti sóndirýmen aınalysyp jatyr.

Eskerte keteıik, 6 qyrkúıekte túski ýaqytta "Baraholka"  bazarynda birqabatty metal-plastıka saqtalǵan qoıma órtendi. 

Qalalyq tótenshe jaǵdaılar departamenti "Órtenip jatqan qoımanyń qabyrǵasy kirpishten qalanǵan, Shatyry - temir" dep habarlady .

Buǵan deıin almatylyqtar "Baraholka" atap ketken bazarda 2012, 2013,  2014,  2016,  2018 jyldary  birneshe márte órt bolǵan.