Qoǵam belsendisi, jeke kásipker Marǵulan Seısembaı JSDP partıasy men Ermurat Bapı týraly pikir bildirdi dep jazady Qamshy.kz aqparat agenttigi. 

Jýyrda JSDP-da aıtýly ózgerister boldy. Men bul partıanyń múshesi emespin jáne óz basym Ermurat Bapıdy tanymaımyn. Alaıda mendegi aqparattarǵa sáıkes jáne Ermurat Bapıdyń uzaq jyldyq qyzmetine qarap, ony erekshe qurmetteımin ári senemin! Ol sózimen de, isimen de 20 jyl boıy óziniń shyndyq jaǵynda ekenin dáleldedi. Bapı partıaǵa jańa, jas músheler men kóshbasshylardy tartý arqyly partıanyń ımıji men jumysyn túbegeıli ózgertkisi keldi.
⠀
Ókinishke qaraı, bılik taǵy bir ret oppozısıonerlerimizdi jeńdi.
Partıa ishindegi satqyndar parlament saılaýyna qatysýǵa kelispegender úshin birden-bir zańdy múmkindikti jerledi. Eger saılaýda opozısıalyq partıalar bolmasa, baqylaýshylardyń bar jumysy óz máninen aıyrylady. Parlamentke tek qana bıliktiń partıalary ǵana ótedi. Ondaı saılaýdyń ne keregi bar?
Al sodan keıin adamdar ózderiniń kelispeıtindikterin alańǵa shyǵyp aıtady. Munyń bári kóńilge qaıaý túsiredi. Bıliktiń ózi jaǵdaıdy ýshyqtyryp jatyr.