Qazaqstan Prezıdenti Qasym-Jomart Toqaev Qytaı Halyq Respýblıkasyna bastalǵan memlekettik sapary aıasyndaǵy josparlanǵan kezdesýlerdiń barlyǵynda baıandamasyn qazaq tilinde jasaýda, dep jazady Qamshy.kz aqparat agenttigi.  Bul týraly prezıdenttiń baspasóz hatshysy Berik Ýálı habarlady.

"Memleket basshysy Qazaqstan-Qytaı İskerlik keńesiniń 6-otyrysynyń ashylýynda sóılegen sózin, sondaı-aq, QHR isker toptarynyń ókilderimen kezdesýindegi sózin jáne Qytaı qoǵamdyq ǵylymdar akademıasyndaǵy baıandamasyn tolyǵymen memlekettik tilde jasady" jeıdi ol feısbýktaǵy paraqshasynda.

Qazaqstan Prezıdenti sapar aıasynda QHR Tóraǵasy Sı Szınpınmen, QHR Memlekettik keńesiniń Premeri Lı Kesánmen jáne Qytaıdyń birqatar saıası jáne iskerlik toptarymen kelissóz ótkizedi. Sondaı-aq Hanchjoý qalasyna baryp, ınovasıalyq ónimderdi álemdik naryqqa shyǵarý boıynsha kóshbasshy "Hikvision" kompanıasynyń jumysymen tanysyp, "Alibaba" kompanıasynyń keńsesine baryp, Djek Mamen kezdesý josparlanǵan.