Qazaqstan prezıdenti Qasym-Jomart Toqaevtyń QHR-ǵa memlekettik sapary bastaldy dep habarlaıdy Qamshy.kz aqparat agenttigi. Bul týraly memleket basshysynyń baspasóz hatshysy Berik Ýálı feısbýktegi jeke paraqshasynda jazdy. 

"Qazaqstan Prezıdenti Qasym-Jomart Toqaevtyń QHR-ǵa memlekettik sapary bastaldy

Qazaqstan Prezıdenti Qytaı Halyq Respýblıkasyna memlekettik saparmen keldi. Qasym-Jomart Toqaev Pekınde Qazaqstan-Qytaı iskerlik keńesiniń 6-otyrysynyń ashylýyna qatysady jáne Qytaı qoǵamdyq ǵylymdar akademıasynda dáris oqýy josparlanǵan. Memleket basshysy QHR Tóraǵasy Sı Szınpınmen, QHR Memlekettik keńesiniń Premeri Lı Kesánmen jáne Qytaıdyń birqatar saıası jáne iskerlik toptarymen kelissóz ótkizedi.

Qazaqstan Prezıdenti Qytaıǵa jasaǵan eki kúndik saparynyń aıasynda Hanchjoý qalasyna da baryp, ınovasıalyq ónimderdi álemdik naryqqa shyǵarý boıynsha kóshbasshy «Hikvision» kompanıasynyń jumysymen tanysady. Sonymen qatar baǵdarlama boıynsha «Alibaba» kompanıasynyń keńsesine baryp, Djek Mamen kezdesý josparlanǵan" delingen jazbada