«Memlekettik bıliktiń birden-bir bastaýy – halyq». Bul bizdiń Ata Zańymyzdyń 3-babynda jazylǵan. Sondyqtan halyqtan artyq eshkim joq. Naqty aıtsaq, zań aldynda han da, qara da birdeı. Árıne, tártipke bas ıgen qul bolmaıdy. Biz de zańdy syılaýymyz kerek. Zań bárimizden bıik. Sondyqtan da zańǵa baǵynamyz. Biraq bizdiń túsinigimizde basqa nárse bar. Ony joqqa shyǵarmaýǵa tıispiz. Ol ne?

Atap aıtar bolsaq, Ata zańymyzda bári atap kórsetilgen. Adamnyń ómir súrý bostandyqtary men quqy jáne mindetteri. Sondyqtan biz zańnyń aıasynan shyqpaýǵa tıispiz.

Biraq zań jobasyn jasaıtyndar tıisti memlekettik mekemeler ekeni sózsiz. Tıisti mınıstrlikter zań jobasyn jasap, ony Májiliske usynady. Depýtattar  talqyǵa salady. Usynystaryn aıtady. Ol Senatqa ótedi. Al halyq she? Máseleniń mánisi osynda: biz zań jobalaryn talqylaýǵa nemese oǵan óz usynystarymyzdy  jasaýda qanshalyqty belsendimiz? Óz usynystarymyzdy aıta alamyz ba?  Durys zańnyń qabyldanýyna múddelimiz be? Árıne, múddeli ekendigimiz ras. Zań – halyq úshin.

Rasynda jyl saıyn parlamentte  kóptegen zańdar qabyldanyp jatady. Memleket nemese úkimet onyń ashyqtyǵyn da qamtamasyz etip otyr. Sondyqtan atalǵan zań jobasyna óz usynystaryn aıtýǵa báriniń de quqy bar. Bir ǵana mysal, elimizdiń tuńǵysh prezıdenti Nursultan Nazarbaev ótken jylǵy halyqqa arnaǵan Joldaýynda «Pedagog mártebesi týraly» zańdy qabyldaý qajettigin aıtqan bolatyn. Mine bıyl sol zań jobasy parlamentte jatyr. Sarapshylardyń aıtýyna qaraǵanda, atalǵan zań jobasyn talqylaýǵa qazaqstandyqtar belsene qatysqan. Jobany  talqylaý barysynda halyqtan 8 myńnan asa usynys túsken. Respýblıka ustazdarynyń ózi jobany talqylaýǵa aıryqsha belsendilik tanytqan. Óıtkeni bul joba qabyldansa, múǵalimder qaýymyna zor mártebe beredi.  Óıtkeni buǵan deıin qaı jerde ótken ıgi sharalarǵa bolsyn, naýqandyq jumystarǵa bolsyn, muǵalimderdi «jegý» ádetke aınalyp ketken. Elbasy Nursultan Nazarbaev ta  «munyń muǵalimderge asa qajet» ekendigin qadap aıtqan.

Aty aıtyp otyrǵandaı, bul zań muǵalimderge qandaı mártebe beredi?

1. Zań qabyldanyp jatsa, olar kereksiz jumystarǵa qatysýdan arylady.
2. Olardyń júktemesi azaıady
3. Ustaz qadirli, mártebeli mamandyqqa aınalady.
4. Olardyń jalaqysy ósedi.
5. Ustazdarǵa shyǵarmashylyq demalys beriledi.
6. Eńbek demalysynyń merzimi ulǵaıady

Demek, bul zańnyń ustazdarǵa bereri kóp. Al biz búgin Prezıdent tapsyrmasynan keıin qoǵamda qyzý talqylanǵan bir ǵana zań jobasyn tilge tıek ettik. Demek zań jobasyn talqylaýǵa jáne  óz usynystaryn berýge kez kelgen adamnyń quqy bar. Óıtkeni qazirgi tańda memlekettiń ózi zań jobalarynyń ashyqtyǵyn qamtamasyz etýge múmkindik berip otyr. Sondyqtan zań bárimizge ortaq bolǵandyqtan keıin ony talqylaýǵa, usynystarymyzdy berýge  biz de belsendi bolýymyz qajet.