Indýstrıa jáne ınfraqurylymdyq damý mınıstrligi Almaty oblysyndaǵy tótenshe jaǵdaı boıynsha arnaıy komısıa qurdy dep habarlaıdy Qamshy.kz aqparat agenttigi.

Mınıstrlik baspasóz qyzmetiniń habarlaýynsha, 15 qyrkúıekte saǵat 19:08-de Aqseńgir-SHamalǵan temirjol ótkeliniń Almaty-Otar ýchaskesinde №43 Almaty-Qostanaı jolaýshylar poıyzy men Setra markaly №456 Almaty-Qaskeleń jolaýshylar avtobýsy kúzetiletin ótkelde soqtyǵysqan. 

"Komısıa quramyna Kólik komıteti men "Qazaqstan temir joly" Ulttyq kompanıasynyń ókilderi kiredi. Komısıa músheleri oqıǵa ornyna jol tartty", - dep habarlady mınıstrliktiń baspasóz qyzmeti.  Almaty oblysynda avtobýsty poıyz soǵyp ótti.

Eske salaıyq, "Ekaterınbýrg-Almaty" tasjolynyń 2449-shaqyrymynda Shamalǵan stansıasynda 15 qyrkúıekte saǵat shamamen 19.20-da bolǵan. Avtobýs júrgizýshisi dabylǵa qaramastan temirjolǵa ótip ketken. Nátıjesinde avtobýs poıyzben soqtyǵysqan. Aldyn ala málimet boıynsha apat saldarynan 2 adam qaza taýyp, 9 adam zardap shekti delingen. Alaıda, oqıǵany tekserý barysynda apat saldarynan avtobýs júrgizýshisi qaza taýyp, úsh adam jansaqtaý bóliminde jatqany anyqtaldy.

Qazaqstan Prezıdenti Qasym-Jomart Toqaev qaza tapqan adamnyń týystaryna kóńil aıtty.

Kýágerlerdiń aıtýynsha, avtobýs temirjol ótkelinde jol kólik keptelisinde turyp qalǵan. Sol sátte poıyz joǵary jyldamdyqta júıtkip kele jatqan. Poıyzdyń dabyl belgisin estigen avtobýs júrgizýshisi abdyrap, aldyńǵy esikti asha almaǵan. Tek artqy esikti ashyp, jolaýshylardy túsirip, ózi shyǵyp úlgermeı qalǵan.

"Men bir balany shyǵaryp úlgerdim. Avtobýstan qasha jóneldim de poıyzdyń avtobýsty soqqanyn kórdim. Júrgizýshi kóz aldymda ushyp ketti", - deıdi kýágerlerdiń biri. 

Jergilikti turǵyndardyń aıtýynsha, júrgizýshiniń jary sol avtobýsta kondýktor bolǵan, olar birge jumys istegen eken. Qaıtys bolǵan er adamnyń artynda tórt balasy qalǵan.   

Almaty oblysyndaǵy tótenshe jaǵdaıdy prokýratýra baqylaýǵa aldy.

Almaty oblystyq tótenshe jaǵdaı departamenti jedel shtab qurdy.

Myna telefondar boıynsha jedel jeli ashyldy:

(87282) 220213, 220018.

Sondaı-aq, Almaty qalalyq TJD myna telefondar boıynsha jedel jeli ashty: (87282) 220213, 220018