Almatydaǵy "Sezar" kınoteatry jýrnalıs Janbolat Mamaıdyń  25 qyrkúıekke josparlanǵan "Stalın qylmystary: ult zıalylaryn qalaı qyrdy" atty derekti fılmin kórsetýden bas tartqan. Bul týraly fılm avtory Mamaıdyń ózi Facebook paraqshasynda málimdedi.  

Buǵan deıin Mamaı "HH ǵasyrdyń 20-30 jyldary qazirgi Qazaqstanda jerinde bolǵan jappaı qýǵyn-súrgin jyldary týraly" derekti fılm túsirgenin jáne atalǵan fılm 25 qyrkúıekte Almatydaǵy "Sezar" kınoteatyrynda kórsetiletin aıtqan.

Mamaıdyń  Qamshy.kz aqparat agenttiginiń tilshisine aıtýynsha, "Sezar" kınoteatrynyń  derekti fılmdi kórsetýden bas tartýyna bıliktiń tikeleı qatysy bar". 

"Biz ótken aptada belgili kınosynshy Oleg Boreskıımen keliskenbiz. Ol "Sezar" kınoteatrynyń dırektorymen kelistim, barlyǵyn rettedim, sizderdiń fılmderińizdi kınoteatrdyń tizimine qostyq. 25 qyrkúıekte kórsetseńizder bolady" - dep aıtqan bolatyn.  Biraq búgin sol kınoteatrdyń dırektory maǵan habarlasyp, 25 qyrkúıekte kórsetilim bolmaıtyn jáne oǵan ondaı fılmniń qajeti joqtyǵyn aıtty. Al Boreskıımen habarlasqanymda, "Iá, bul týraly bilemin, bul - kınoteatr dırektorynyń sheshimi" dep jaýap berdi. Meniń oıymsha, basqa teatrlar da bul fılmdi kórsetpeıdi. Sebebi, bul - tikeleı bıliktiń tapsyrmasymen jasalyp otyrǵan nárse. Sondyqtan kınoteatr izdep ýaqyt joǵaltpaı, fılmdi ınternetke júkteıtin shyǵarmyz. Biraq áli de oılanyp kóremiz", - dedi fılm avtory.  

Jýrnalıs Janbolat Mamaı 2017  qýǵyndaǵy opozısıalyq saıasatker Muhtar Áblázov "jymqyrǵan" qarajattyń bir bóliginiń "izin jasyrdy" degen aıyppen sottalyp, oǵan úsh jyl jýrnalısik qyzmetpen jáne saıasatpen  aınalysýǵa tyıym salynǵan. Mamaı buǵan deıin HH ǵasyrda bolǵan asharshylyq jyldary týraly "Zulmat", qazaqtyń zıalylary qurǵan "Alash" partıasy týraly "Eger Alash Respýblıkasy jeńgende" atty derekti fılmder túsirgen.