Qazaqstannyń tuńǵysh prezıdenti Nursultan Nazarbaevtyń kúıeý balasy marqum Rahat Álıevtiń uly Aısultanǵa  18 qazanda úkim shyǵatyn boldy.

Eskerte keteıik, osydan birneshe aı buryn, ıaǵnı maýsym aıynda London qalasyndaǵy páterlerdiń birinde  Aısultan Nazarbaevtyń ustalǵany belgili.

Brıtanıanyń mail online saıtynyń jazýyna qaraǵanda,  Londonnyń Covent Garden páterinde  ol buzaqylyq jasaǵan. Aısultan  polısıa ókilimen teketires barysynda qol jumsap, onyń qolyn tistep alǵan. Kýágerlerdiń aıtýynsha, polıseıdiń qolynyń tistelgen jeri qan bolyp, jedel járdem shaqyrtqan.

Prokýror Gregor MakKınlınyń aıtýyna qaraǵanda, polısıa ókilderiniń biri osylaı qolynan qatty jaraqat alǵan. Kórshileriniń shaqyrtýy boıynsha jedel jetken polısıa ókilderi Aısultan Nazarbaevty alǵashqyda «páter urylarynyń biri» dep oılap qalǵan.

Al Aısultan Nazarbaevtyń qorǵaýshysy Alısdeır Ýılámson páterden eshnárse urlanbaǵanyn aıtty. Tek úıdiń ishi birshama búlingen. Shamamen kelgen shyǵynnyń kólemi  5 myń fýnt sterlıń quraǵan. Soǵan qaraǵanda Aısultan Nazarbaev esirtki býynyń arqasynla páterdiń  ishin biraz búldirse kerek.

Sýdıa Martın Beddoınyń aıtýynsha, esirtkiniń áseri bolýy kerek, Aısultan Nazarbaevtyń jaǵdaıy sol kezde óte óte aýyr bolǵan.

Qazir Darıǵa Nazarbaevanyń  uly   esirtkige táýeldilikten arylý úshin Londondaǵy emhanalardyń birinde eki-úsh aıdan beri em alyp jatyr. Oǵan sot úkimi 18 qazanda shyǵatyny belgili boldy.

Al Qazaqstan tarapy Darıǵa Nazarbaevanyń ulyn  elge qaıtarýdy suraǵan kórinedi.