Keshe, qazannyń 6-y kúni túnde Almatyda kólik apaty bolyp, bir adam qaza boldy. Al jeteýi túrli jaraqat aldy. Oqıǵa saldarynan keıin "BMW" markaly avtokóliktiń júrgizýshisi qamaýǵa alyndy. Bul týraly Almaty polısıa departamentiniń baspasóz qyzmeti habarlady.

Departamenttiń habarlaýynsha, 28 jastaǵy "BMW" júrgizýshisi Áıteke bı kóshesimen batys baǵytqa qaraı kele jatyp, Jeltoqsan kóshesimen qıylysqan jerdegi "Jol berińiz" belgisine nazar aýdarmaı  ótip ketken. Saldarynan  "Volkswagen Touareg" jáne "Renault Logan" markaly avtokólikterin soǵysqan.

Polısıa departamentiniń málimetinshe, atalǵan jol apatyna  kináli retinde "BMW" júrgizýshisi ýaqytsha ustaý ızolátoryna qamalǵan. Sotqa deıingi tergeý Qazaqstan Respýblıkasy qylmystyq kodeksiniń 345-babynyń 3-bóligine (jol erejesin buzý, abaısyzda adam ólimine ákep soqqan is-áreket) sáıkes júrgizilip jatyr.