Memleket basshysy Qasym-Jomart Toqaev elorda búdjetiniń nege qysqaratynyn túsindirip, úkimetke ony tolyq túsindirýdi keńes berdi.

"Taǵy bir mańyzdy másele – shaǵyn jáne orta bıznesten túsetin korporatıvtik tabys salyǵyn 2020 jyldan bastap jergilikti búdjetke berý. Mıkro jáne shaǵyn bıznes sýbektilerin salyqtan bosatqannan keıin qala búdjeti 40-50 mıllıard teńgege qysqarady. Negizinde, bul kútiletin nátıje, májbúrli shara, bızneske kóbirek adam tartý úshin jasalyp otyr. Úkimetten muny tragedıaǵa aınaldyrmaýdy ótinemin. Odan da baqylaý jasap, áreket etińder. Sizder josparlanǵan shyǵynnyń ornyn toltyrýǵa qajetti 230 mıllıard teńgeni ońaı tabasyzdar dep sanaımyn", –  dedi Toqaev Nur-Sultandy odan ári damytý máseleleri jónindegi jıynda.

Prezıdent úkimetpen búdjetke túsetin kirister jaıly 15 qazanda ótetin jınalysta taǵy sóılesetinin atap ótti.

"Esesine biz halyqty bıznespen aınalysýǵa yntalandyramyz. Áıtpese, tyǵyryqtan shyǵa almaımyz", –  dedi ol.

Sondaı-aq Qazaqstan prezıdenti Qasym-Jomart Toqaev jarıa etken joldaýlarynyń birinde úkimetke mıkro jáne shaǵyn bıznesti úsh jylǵa tabys salyǵynan bosatý týraly zań jobasyn ázirleýdi tapsyrǵan bolatyn.

.