Qazaqstan-Qytaı sybaılas jemqorlyqqa qarsy qyzmeti yntymaqtastyq týraly Memorandýmǵa qol qoıdy dep jazady Qamshy.kz aqparat agenttigi anticorruption.gov.kz saıtyna silteme jasap.
2019 jyldyń 11 qazanda Qazaqstan Respýblıkasy Sybaılas jemqorlyqqa qarsy is-qımyl agenttiginiń alańynda Agenttik Tóraǵasy Alık Shpekbaev QKP OK Saıası Búrosynyń múshesi, QHR memlekettik qadaǵalaý komısıasynyń tóraǵasy IAN Sáodamen kezdesti.
Kezdesý barysynda Agenttik Tóraǵasy qytaılyq áriptesin Qazaqstannyń sybaılas jemqorlyqqa qarsy saıasatynyń negizgi erejeleri, Agenttiktiń qyzmeti týraly habardar etti.
Qytaı delegasıasynyń basshysy Agenttiktiń qyzmetine oń baǵa berdi jáne óz kezeginde Sybaılas jemqorlyqqa qarsy is-qımyldaǵy MQK jumysy men qol jetkizgen nátıjeleri týraly aıtty.
Tıimdi áriptestikti ornatý maqsatynda taraptar Ózara túsinistik pen yntymaqtastyq týraly Memorandýmǵa qol qoıdy, ol birlesken jobalardy iske asyrýdy jandandyrýǵa, aqparat almasýdy júzege asyrýǵa múmkindik beredi.
Sonymen qatar, kezdesý aıasynda Agenttik qyzmetkerlerin QHR Tártiptik baqylaý jáne qadaǵalaý akademıasynda oqytý, sondaı-aq atalǵan akademıanyń Qazaqstan Respýblıkasy Prezıdenti janyndaǵy Memlekettik basqarý akademıasymen yntymaqtastyǵy máseleleri talqylandy.
Anyqtama: Memlekettik qadaǵalaý komısıasy (MQK) tergeý jáne tergeý áreketterin júrgizý ókilettigine ıe. MQK-ǵa QHR sybaılas jemqorlyqqa qarsy kúres jónindegi baqylaý mınıstrligi men memlekettik basqarmasy kirdi. QHR Konstıtýsıasyna engizilgen jańa túzetýlerge sáıkes MQK organdary memlekettik bılikti bildiretin barlyq qyzmetkerlerdi qadaǵalaýdy júzege asyrýǵa ýákiletti bolady. Bul qadaǵalaý organdarynyń Halyq Ókilderi Jınalysynyń (HÓJ) múshelerin de baqylaıtynyn, sonymen qatar HÓJ depýtattary qadaǵalaý organdarynyń óz mindetterin adal atqaratyndyǵyn anyqtaıdy, bul qos qadaǵalaý tetigin qalyptastyrady.
Pikir qaldyrý