"Orda" tobynyń ánshileri Erbolat pen Esbolat Bedelhannyń áke-sheshesi jol apatynan qaza boldy dep habarlaıdy Qamshy.kz aqparat agenttigi.

Bul týraly jýrnalıs Rıshat Asqarbekuly habarlady.

"Orda" tobyndaǵy Erbolat, Esbolat, Janbolat Bedelhan degen úsh jigittiń áke-sheshesi bir kúnde kólik apatynan qaıtys bolypty. Ózderi de qos daýysta án aıtatyn talantty jandar bolǵan eken. Imandy bolsyn", - dep jazdy ol Facebook paraqshasynda.

Qamshy.kz aqparat agenttigi qaıǵyǵa ortaqtasyp, kóńil aıtady. 

Ánshilerdiń ata-anasy kóz jumǵan jol apaty Temirtaý qalasynan eki kılometr jerde boldy. Bul týraly Qaraǵandy oblysy polısıa departamentiniń baspasóz qyzmeti habarlady.

Jol apaty 11 qazanda Buqar Jyraý aýdanynda bolǵan. Temirtaý-Astana avtojolymen kele jatqan "Volkswagen" kóliginiń 66 jastaǵy júrgizýshisi qarsy betke shyǵyp ketip, júk kóligimen soqtyǵysqan. "Scania" kóliginiń rólinde 28 jastaǵy er adam otyrǵan.

"Jol apaty saldarynan "Volkswagen" kóliginiń júrgizýshisi men úsh jolaýshy alǵan jaraqattarynan oqıǵa ornynda kóz jumdy", - dep habarlady polısıa departamentiniń baspasóz qyzmeti.

Qazirgi ýaqytta jol apatynyń mán-jaıyn polıseıler anyqtap jatyr. Bul fakti boıynsha tıisti saraptamalar belgilenip, sotqa deıingi tergeý júrgizilýde.