Grýzıada ótken ardagerler arasyndaǵy grek-rım kúresinen álem chempıonatynda 58 jastaǵy Qazaqstan balýany Qasenhan Serǵazıev altynnan alqa taqty dep habarlaıdy Qamshy.kz aqparat agenttigi Sputnik Qazaqstan.  saıtyna silteme jasap.

62 kılogramm salmaq dárejesinde beldesken jerlesimiz jartylaı fınalda ırandyq balýanǵa qarsy shyqty. Osy jekpe-jekte ol qarsylasyn 2:0 esebimen jeńdi.

Al kelesi aınalymda túrik balýanymen kúresti. Bas kezinde ekeýi teń jaǵdaıda beldesti. Alaıda ári qaraı Qasenhan Serǵazıev óz basymdyǵyn eki esege arttyra bildi. Qorytyndy esep – 4:8.

Fınalda taǵy túrik balýanymen kezdesken bolatyn. Qarsylas birden eki upaıdy alyp ketti. Degenmen, tájirıbeli sportshymyz  óz ádisin sheber oryndap, tórt upaımen alǵa shyqty. Odan keıin óz basymdyǵyn 8 upaıǵa jetkizdi. Sońynda túrik balýany eki upaı alsa da, Serǵazıevke jete almady.

Aıta keteıik, Qazaqstan quramasy grek-rım kúresinen álem chempıonatynyń altyn medalin sońǵy ret sonaý 1999 jyly alǵan bolatyn. Ol kezde Mhıtar Manýkán Grekıanyń Afına qalasynda ótken jarysta altyn medal utyp, eki dúrkin álem chempıony atandy.