31 MAMYR – SAIASI QÝǴYN-SÚRGİN QURBANDARYN ESKE ALÝ KÚNİ

Qazaqstan Respýblıkasynda memlekettik dárejede resmı bekitilgen – «31-mamyr - saıası qýǵyn-súrgin qurbandaryn eske alý kúnine» baılanysty qoǵamdyq negizdegi bastamaǵa úles qosýǵa shaqyramyz. Árqıly saıası zobalańdar kezinde qurban bolǵan baýyrlarymyzdyń rýhyna taǵzym etý – perzenttik paryzymyz. Bul Aza kúnin jalpyulttyq deńgeıge jetkizý, elge birlik, urpaqqa tálim sharasyna aınaldyrý óz qolymyzda. 31 mamyr kúni biz Sizderdi Qazaq halqynyń eski jáne jańa tarıhynda saıası repressıalardyń qurbany bolǵan barsha azamattardy birlese eske alý sharalarynda kútemiz: 12:30 – Tarıhı fotosýret kórmesi, «Asharshylyq» derekti fılminiń kórsetilimi. Rejıseri Erkin Raqyshev. «SEZAR» kınoteatry. Almaty, Fýrmanov-Jibek Joly kósheleriniń qıylysy 14:30 – Asharshylyq qurbandaryna eskertkish belgilengen orynǵa gúl qoıý, Quran baǵyshtaý. Almaty qalasy, Naýryzbaı-Bógenbaı kósheleriniń qıylysy. Aza kúnine arnaıy daıyndalǵan qaraly taspalar taratylady. Qyz-kelinshekterden shelpek pisirip ákelýdi ótinemiz. Biz áriptesterimizben birge qazirden bastap aza-baýdy keýdelerińizge nemese kólikterińizge taǵyp alýlaryńyzdy ótinemiz. 1921-23, 1931-33, 1937-38 jyldary qoldan uıymdastyrylǵan ashtyqtan qyrylǵan jáne qýǵyn-súrgin qurbany bolyp atylǵan mıllıondaǵan ata-babalarymyzdy eske alyp, taǵzym etip, olarǵa qurmet kórsetýge shaqyramyz. Dúısenbi, 27 mamyrda Áýezov kóshesi, 82 ǵımarat, 605-shi keńseden alyp ketýlerińizge bolady, tel 375-86-54. (Abaı kóshesiniń qıylysy, Áýezov kóshesimen joǵary júrseńiz, sol jaǵyńyzdaǵy 6 qabatty sury tústi ǵımarat) Aza-baý. Kók jáne qara tústi. Kók - kók baıraǵymyzdyń, ashyq aspanymyzdyń belgisi. Qara - kók aspandy qara bulttyń torlaýy, qaıǵynyń belgisi. Saıası qýǵyn kórgender barsha aımaqtarda, árbir aýyl-qalalarda boldy. Elimizdiń óńirlerindegi belsendi baýyrlardy bul iske úles qosýǵa shaqyramyz.

Qoǵamdyq bastama músheleri: Muhtar TAIJAN Qasym AMANJOLULY Samat NURTAZA Aıdos JUQANULY Janat ESENTAI Abzal QUSPAN Berik SHADǴALI Aman MÁMBETÁLİ Dýman KÁKİM Maqsat İLIASULY Baqyt MUHTAR Erjan ALASH Aıgúl MAZAQBAI Aıgúl ÓTEP Edige AHMET Álibı ÁRİP»