Sybaılas jemqorlyqpen kúreste «barmaq basty, kóz qystyǵa» jol joq. Buny búginde Jambyl oblysyndaǵy basqarmamen basqa arnanyń basshylary berik ustanýda. Sondaı-aq túrli qoǵamdyq qabyldaýlar ótkizip, mekeme basshylary buqaraǵa jemqorlyq faktileriniń keri áserlerin jiti túsindirýde. Mine sondaı basqosýdyń birine oblys ákimdigi kásipkerlik jáne ındýstrıaldy-ınnovasıalyq damý basqarmasynyń basshysy Jeńis Sarıev uıytqy boldy, dep jazady Qamshy.kz aqparat agenttigi. Atap aıtsaq, basqarma basshysy J eńis Sarıev QR Sybaılas jemqorlyqqa qarsy is – qımyl agenttiginiń Jambyl oblysy boıynsha departamenti, «Jambyl adaldyq alańy» jobalyq keńsesinde azamattarǵa áleýmettik jeli arqyly qoǵamdyq qabyldaý júrgizdi.
Kezdesý alańynda basqarma basshysy jalpy kásipkerlik salasynda atqarylyp jatqan jumystar týraly onyń ishinde basqarmanyń negizgi fýnksıalaryna kiretin ónerkásip, ındýstrıaldy – ınovasıalyq jobalardy damytý, kásipkerlikti damytý jáne memlekettik qoldaý kórsetetin baǵdarlamalardyń júzege asyrylýy týraly túsindirdi.
Sondaı – aq kóptiń kókeıinde júrgen «Bıznestiń jol kartasy – 2020» memlekettik baǵdarlamasy aıasynda ótkizilgen granttyq qarjylandyrý konkýrsyna qatysty suraqtarǵa tıisti jaýaptar berildi.
Budan bólek, Qazaqstan Respýblıkasy Sybaılas jemqorlyqqa qarsy is – qımyl agenttiginiń (Sybaılas jemqorlyqqa qarsy qyzmet) Jambyl oblysy boıynsha departamenti tapsyrmasyna sáıkes, oblys ákimdigi kásipkerlik jáne ındýstrıaldy – ınovasıalyq damytý basqarmasynda «Adaldyq saǵaty» ótti.
Sybaılas jemqorlyqpen kúresý týraly uıymdastyrylǵan jıynǵa basqarma basshysynyń orynbasary M.Jakypbaev pen basqarma qyzmetkerleri qatysty.
Jıyn barysynda basshy orynbasary sybaılas jemqorlyqtyń aldyn-alý – memleket damýynyń negizgi faktory boıynsha baıandama jasady.
Sondaı – aq, Qazaqstan Respýblıkasynyń 2015-2025 jyldarǵa arnalǵan Sybaılas jemqorlyqqa qarsy strategıasynyń maqsattaryna jeke – jeke toqtalyp, túsindirdi.
Osylaısha basqarma basshysy men mamandary jeń ushynan jalǵasqan jemqorlyq faktilerine judyryqsha jumylyp soqqy berýge kúsh salýda. Árıne úlken qurylymnyń qyzmetkerleri eń birinshi óz-ózderin tártipke shaqyryp jatqany qýantady. Sebebi ár nánrse ynta men nıetten bastalatyny anyq.
Pikir qaldyrý