Elbasy N.Nazarbaevtyń tikeleı tapsyrmasymen qolǵa alynǵan «Sıfrly Qazaqstan» baǵdarlamasy densaýlyq saqtaý salasynda da keńinen júzege asýda.

Búgingi tańda Jambyl oblysy boıynsha 4952 medısınalyq qyzmetkerlerdiń jumys orny tolyǵymen kompútermen qamtylǵan.

Taraz qalasy men aýdan ortalyqtarynda 391 medısınalyq mekeme bar. Onyń ishinde medısınalyq aqparattyq júıege qosylýǵa tıis mekemeler sany - 370. Internet jelisine qosylǵandar sany - 352. Bul 95 paıyzdyq qamtylýdy qurady. Al meje qala jáne aýdan ortalyqtary deńgeıinde 100 paıyzdy quraıdy.

Jambyl oblysy medısınalyq uıymdary 2 medısınalyq aqparattyq júıesimen jumys jasaýda. «Elsi Med» medısınalyq aqparattyq júıecinde 14 uıym jáne 33 uıym «Damu Med» medısınalyq aqparattyq júıecinde.

Aqparattyq júıelerge 1 060 302 elektrondyq densaýlyq pasporty engizilgen. Bul «Halyqty tirkeý regıstri» boıynsha aqparattyq júıesinde tirkelgen 1 121 133 halyq sanynyń 94,6 paıyzyn qurady.

«Densaýlyq saqtaý uıymdarynyń bastapqy medısınalyq qujattama nysandaryn bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2010 jylǵy 23 qarashadaǵy № 907 buıryǵyna ózgerister men tolyqtyrýlar engizý týraly QR Densaýlyq saqtaý mınıstriniń DSM-48 buıryǵyna sáıkes, 233 bastapqy medısınalyq qujattama nysandarynyń 203 – i tolyǵymen sandyq formatta medısınalyq aqparattyq júıelerine engizilgen.

Oblysta barlyq «Alǵashqy medıko-sanıtarlyq kómek» uıymdarynda 52 sıfrlyq saýattylyq postary ashylǵan. Jambyl oblysy boıynsha pılottyq jobanyń basynan bastap sıfrlyq daǵdylarǵa oqytylǵan halyq sany 775 507 qurady, al 2019 jyldyń 6 aılyq qorytyndysy boıynsha sıfrlyq saýattylyq postary arqyly 261 809 halyq aqparatpen qamtamasyz etildi.

«Damu Med» medısınalyq aqparattyq júıecindegi mobıldik qosymshaǵa 45 714 adam tirkelgen. 2019 jyldyń 6 aılyq qorytyndysymen skrınıng, flúro tekserýden, jáne dárigerge deıingi kabınetterden mindetti túrde ótý týraly jiberilgen (PUSH) habarlamalardyń jalpy sany - 872 058.

Qazirgi tańda 2 310 496 ret elektrondy jazylý arqyly dárigerdiń qabyldaýyna jazylǵan. 24 325 elektrondy eńbekke jaramsyzdyq paraǵy ashylǵan. Onyń ishinde - 18 646-i QR-kod tańbasymen tirkelgen. Sonymen qatar, 17 416 elektrondy eńbekke jaramsyzdyq anyqtamasy jumys isteýde. Onyń ishinde 12 683-i QR-kod tańbasymen ashylǵan.

Nátıjesinde emhanalarǵa kelýi 2 ese tómendep, mobıldi qosymsha arqyly aldyn-ala dárigerge jazylý nátıjesinde kezek kútý 30 paıyzǵa tómendegen.