Temir jol – ekonomıkanyń kúretamyry. Óıtkeni onyń boıymen kúndiz-túni úzdiksiz júıtkigen poıyzben san myńdaǵan tonna halyq sharýashylyǵy júgi men myńdaǵan jolaýshy tasymaldanady. Búginde «Qazaqstan temir joly» ulttyq kompanıasyna qarasty joldyń uzyndyǵy, kirme joldy qospaǵanda, 20 myń shaqyrymǵa taıaý eken. Sondyqtan bul saladaǵy jumys óte aýqymdy, asa kúrdeli. Bul jumystar durys uıymdastyrylsa, memleketke qyrýar tabys ta ákeledi. Ásirese elimiz táýelsizdik alǵannan keıin alys-jaqyn sheteldermen alys-beris kóbeıgeni belgili. Qazaqstannyń geografıalyq jaǵynan tıimdi ornalasýy bul salanyń damytylýyna da óte yńǵaıly, batys pen shyǵysty baılanystyratyn temir joldar el aýmaǵyn kókteı ótip jatyr. Osy oraıda Memleket basshysy Q.Toqaev «Syndarly qoǵamdyq dıalog-Qazastan turaqtylyǵy men órkendeýiniń negizi» atty Qazaqstan halqyna Joldaýynda temirjol salasyn odan ary damytý mindetin aıqyndap berdi.

Árıne, qandaı mańyzdy mindet bolmasyn bilikti kadrlar arqyly júıesin tabady. Osy oraıda jmbyldyq temirjolshylardyń da eńbegi eren. Mine, sondaı maıtalman mamannyń biri Beısenbaı Jańbyrbaev temirjol salasyn damytý el ekonomıkasynyń qarqyndy órleýine jol ashatynyn aıtady.

«Elbasynyń sarabdal saıasatnyń arqasynda alys-jaqyn sheteldermen alys-beris kóbeıgeni. Bul turǵyda memleket basshylary ózara tıimdi kelisimshart jasasý arqyly, ásirese júk tasymaly kólemin kóbeıtti. Iaǵnı aldymen bul rette tranzıttik konteınerler júıesiniń jumysy jandandyryldy. Ózimniń osy úlken istiń basy-qasynda júrgenimdi árqashan maqtanysh etemin. Onyń ishinde Qytaı temir jolynyń Úrimshi bólimshesimen eki aralyqtaǵy júk tasymalyn jaqsy jolǵa qoıý jóninde de tıimdi jobalar bar. 2008 jyldan beri Qazaqstan bolat joldyń boıymen júk tasymaldaýdaǵy múmkindigin barynsha paıdalanyp, Qytaı, TMD, Baltyq, tipti Eýropa elderine de keń jol ashty. Sóıtip konteınerlik júk poıyzdary turaqty túrde júre bastady»,-deıdi B.Jańbyrbaev.

Sonyń ishinde Qytaıdyń Chýnsın jáne Germanıanyń Dýısbýrg qalalary baǵyttaryndaǵy konteınerlik poıyzdardy Qazaqstan aýmaǵymen sátti ótkizý isine onyń alǵashqy qarlyǵashtarynyń biri retinde Beısekeń de zor úles qosty. Sondaı-aq onyń «Dostyq» beketindegi Qytaımen júk almasý jumysyna bilikti maman retinde aralasqanyn da eshkim joqqa shyǵara almaıdy.