Memleket basshysy Qasym-Jomart Toqaev oblysqa sapary barysynda óńirde týrızm ındýstrıasyn damytýdyń mańyzdylyǵyn eskerip, aımaq basshysy Asqar Myrzahmetovke Almaty, Túrkistan jáne Jambyl oblystaryn baılanystyratyn «Jańa Jibek joly» ekspedısıalyq marshrýtynyń týrısik ınfraqurylymyn damytýdy tapsyrǵan bolatyn. Osy oraıda, ótken aptada «Jańa Jibek joly» týrısik jobasy jan-jaqty talqylanyp, oblystaǵy týrısik oryndaǵy aqparattyq týr uıymdastyryldy.

Atalǵan jıynǵa Almaty qalasy men Almaty oblysy, Shymkent qalasy men Túrkistan oblystarynyń týrısik basqarmalary men atalǵan salaǵa qatysty qaýymdastyqtardyń ókilderi qatysty. Úsh kúnge sozylǵan sharanyń alǵashqy kúni Sh.Ýalıhanov atyndaǵy ortalyqtandyrylǵan ámbebap-ǵylymı kitaphanasynda pres-brıfıng ótti. Onda oblystyq týrızm basqarmasynyń basshysy Qarlyǵash Aralbekova «Jańa Jibek joly» ekspedısıalyq marshrýty Qazaqstan aımaqtaryna jasalatyneń iri ekspedısıa ekendigin jetkizip, osy arqyly týrısik klasterlerdi qamtı otyryp, mańyzdy tabıǵı nysandarǵa barý kózdelgenin sóz etti.

– Bul sharanyń maqsaty – jańa týrısik baǵyttardy jasaý úshin tabıǵı, tarıhı, kıeli mekenderdi zertteý, ishki týrızm men ınfraqurylymdy damytý jáne týǵan eldi zertteý. Sondaı-aq ekspedısıa týraly materıaldar elimizdiń týrısik destansıa retinde tanylýyna jáne halyqty ishki týrızmge tartýǵa yqpal etedi. Atalǵan sharanyń nátıjesinde elimizdiń tabıǵı nysandary boıynsha týrısik baǵyttar, sapaly foto-vıdeobankter qurylady. Olardyń qazirgi jaǵdaıy týraly aqparattar alynyp, jolnusqa jasalatyn bolady. Aıta keterligi, Qytaıdyń Sınszán-uıǵyr avtonomıalyq aýdanynan bastalatyn ekskýrsıa Almaty oblysyn qamtyp, bizdiń oblys arqyly ótedi. Odan keıin óńirdiń tarıhı-mádenı orynldarynyń barlyǵyn aralap, marshrýt Túrkistan oblysynda jalǵasady. Sapar Ózbekstan respýblıkasynda máresine jetedi, – dedi Qarlyǵash Ámirqyzy.

Munan soń ár oblystan jıylǵan týrısik sala ókilderi «Jańa Jibek joly» ekspedısıalyq marshrýtyn Almaty, Túrkistan jáne Jambyl oblystarynda damytýdyń joldaryn talqylady. Ondaǵy ınfraqurylymdar men týrıserge jasalatyn jaǵdaıdyń jaı-japsaryn talqylady. Aıta keterligi, bizdiń óńirden atalǵan marshrýtqa 18 tarıhı-mádenı oryn kirip otyr.

Ekspedısıanyń negizgi sharasynan soń Taraz qalasynyń aýmaǵyna ekskýrsıa uıymdastyryldy. Týrısik sala ókilderi «Kóne Taraz» arheologıalyq parki, Dáýitbek kesenesi, Erte Islam dáýirindegi meshit, Qazaq handyǵyna 550 jyl, Aısha bıbi jáne Babadja hatýn kesenelerinde boldy. Sondaı-aq Jýaly aýdanyndaǵy Teris ashybulaq sý qoımasy men Qaralma taý-shańǵy bazasy, «Bıtán» qalashyǵy men Kóksaı shatqalynda bolyp, týrısik áleýetterine kóz jetkizdi.

Úsh kúnge sozylǵan ekskýrıanyń qalǵan eki kúninde qatysýshylar T.Rysqulov, Merki, Shý jáne Qordaı aýdandaryndaǵy tarıhı-mádenı eskertkishtermen tanysty. Óz kezeginde sala mamandary jasalynýy tıis jumystarǵa toqtalyp, usynystaryn bildirdi.