Petropavlda jappaı tóbeles uıymdastyrǵan stýdentter oqýdan shyǵarylady dep habarlaıdy Qamshy.kz aqparat agenttigi ktk.kz saıtyna silteme jasap.

Petropavlda jastar jappaı tóbelesip, ondaǵan adam qolǵa tústi. Soltústik Qazaqstan memlekettik ýnıversıtetiniń 2-shi jáne 3-shi kýrs shákirtteri asqanada kezekke talasyp, arty úlken daýǵa ulasyp, keıin qaqtyǵys bolǵan

Oqıǵa Esil ózeniniń jaǵasyndaǵy «Vostochnyı bereg» dámhanasynyń mańynda boldy. Polısıaǵa jigitterdiń jappaı tóbelesip jatqanyn jataqhanadaǵy kezekshi stýdentter habarlaǵan. Oqıǵa ornyna jetken tártip saqshylaryn kórgen jastar tym-tyraqaı qasha jóneledi. Barlyǵy 46 stýdent qolǵa tústi. Kópshiligi oqýǵa elimizdiń ońtústiginen kelgender. Abyroı bolǵanda, aýyr jaraqat alyp, densaýlyǵyna qaýip tóngender joq. Tek bir oqýshyǵa azdaǵan medısınalyq kómek kórsetilgen.

Al oqý ornynyń basshylary tóbeleske qatysqandarǵa sógis jarıalap, uıymdastyrǵandardy oqýdan shyǵaratynyn aıtty.

Erbol Isaqaev, M. Qozybaev atyndaǵy SQMÝ prorektory: - Joǵary oqý ornynyń stýdenti ataný bul joǵarǵy kategorıa. Jastar ózderiniń bolashaq zıaly qaýym ókili ekenin jaqsy túsinýi kerek. Al biz olardy Soltústik Qazaqstan memlekettik ýnıversıteti stýdentteriniń ádep kodeksin buzǵany úshin oqýdan shyǵaratyn bolamyz.