Qoǵam tarıhynda adam men sán egiz uǵym. Jalpy sán degenimiz –  ómirdiń ár túrli sferasynda jeke talǵamnyń ýaqytsha ústemdik etýi. Iaǵnı adamdar arasyndaǵy áleýmettik hám ekonomıkalyq qubylys.

Adam qoǵamynyń damýyna, jańa tarıhı qoǵamdastyqtar paıda bolýyna baılanysty adam kıimi de túbirimen ózgerip otyrady. Qazirgi sándi demokratıashyl deýge de bolady, sebebi qazirgi tańdaý ıdeıasy men erkindiktiń kóptigimen, ártúrli stılderimen, pishinderimen, úlgilerimen, kólemderimen, kıim uzyndyǵymen, alýan tústi gammalyǵymen erekshelenedi.

Qazirgi ýaqytta sán eki baǵyt boıynsha aıryqsha kózge túsedi. Atap aıtsaq, retrospektıvaly (ótkenge baǵyttalǵan) jáne perspektıvaly (bolashaqqa baǵyttalǵan).

Sánde belgili merzim ýaqytyna qaraı trendter ózgeriske ushyraıdy.  Endeshe, 2019-2020 kúz-qys maýsymyndaǵy sán maýsymynyń trendi qandaı bolmaq? Sándi kóriný úshin qandaı kıim kıgen durys? Atalmysh suraqtarǵa Qamshy.kz aqparat agenttiginiń tilshisi maman pikiri arqyly jaýap izdedi.

Dızaıner Damılá Jumabek:

"2019-2020 sán álemindegi kıimder keńdigimen erekshelenedi. Naqtyraq aıtanda keń shalbarlar  men djınsy matadan tigilgen ártúrli kıimder, keń qyry bar klasıkalyq shalbarlar, keń úlgidegi kóılekter men túrli beldemsheler, tor úlgidegi jeıde tárizdi koftalar, ıyqtary keń  úlgidegi kóılekter, keń  pishinde toqylǵan kúrteler sánde.  

Al kıimniń túsi aq pen qara. Sondaı-aq tor matalardan tigilgen kıimderde bıylǵy sánniń ozyq úlgisindegi qatardan oryn aldy.

Syrt kıimderge kelsek,  bir-eki ólshemde keń kıseńiz, erekshelenesiz. Odan ózge parcha matadan tigilgen  kúrtesheler,  erler kıimi sekildi pishilgen keń úlgidegi kastúmder sánde.

Aıaq kıimderden túrli sporttyq úlgige keletin etikter, formasy jaǵynan bas jaǵy jalpaqtaý aıaq kıim kıseńiz, trend qatarynan qalmadyńyz degen sóz.  Al áshekeılerden úlken syrǵalar men túrli oramaldar qaıta sánge keldi".

Eske salsaq, dástúrli túrde ótetin KFW sán aptalyǵy 29-31 qazan kúnderi Almaty qalasynda ótedi. Sharada otandyq jáne shetel dızaınerleriniń sán toptamasy kórsetiledi.