Qazaqstannyń tuńǵysh prezıdenti qory atqarýshy dırektorynyń orynbasary, Konstıtýsıalyq keńestiń burynǵy tóraǵasy Igor Rogov qyzý talqylaǵan "kadrlyq jarlyqqa" qatysty pikir  bildirdi.

"Qos bılik týraly aıtyla bastaǵanda qoǵamnyń reaksıasyna kúlkim keldi. Bul qandaı qos bılik bolýy múmkin? Konstıtýsıanyń 44-babynyń 20-tarmaǵynda: "Prezıdent Qaýipsizdik keńesi men basqa konsýltasıalyq-keńesshi organdardy, Qazaqstan halqy assambleıasy jáne Joǵarǵy sot keńesin qurady" delingen. Iaǵnı, Qaýipsizdik keńesi – konstıtýsıalyq organ, biraq ol konsýltasıalyq-keńesshi organdar qataryna kiredi", – dedi Konstıtýsıalyq keńestiń eks-basshysy.

"Barlyǵynan saıası búro elementterin kórý keńestik kezeńnen kele jatqan ádet shyǵar! Prezıdent – bul jeke dara organ! Bizde qos bılik joq! Al Qaýipsizdik keńesi qabyldaıtyn sheshimder – basshylyǵynda Elbasy turǵan alqaly organ qabyldaıtyn sheshimder" – deı kele, Rogov Eýropa keńesi Venesıa komısıasynyń múshesi, germanıalyq Rolf Mafaeldiń sózin mysalǵa keltirdi.

"Ol maǵan: "Sizder bul máseleni óte jaqsy sheshipsizder: tuńǵysh prezıdenttiń tájirıbesin paıdalanyp, turaqtylyq pen demokratıalyq damý jolyn saqtaı otyryp, ári qaraı damı beresizder" dedi. Bul sheteldik sarapshylardyń bergen baǵasy. Sondyqtan taǵy bir márte bizde eshqandaı da qos bılik joq dep aıtqym keledi", – dep óz sózin qortyndylady I.Rogov.

Eske salsaq, "Qazaqstan Respýblıkasy prezıdentiniń keıbir aktilerine ózgerister men tolyqtyrýlar engizý týraly" jarlyqqa qatysty prezıdenttiń baspasóz hatshysy Berik Ýálı túsindirme berdi.

Berik Ýálı: Prezıdenttiń quzyreti Konstıtýsıanyń 40-48 baptarynda anyq kórsetilgen

Berik Ýálı: Taǵaıyndaýǵa qatysty barlyq sheshimderdi prezıdent qabyldaıdy