Qazaqstannyń ishki ister mınıstrligi belsendi  Dýlat Aǵadildiń "ızolátordan qashyp shyqqanyna" qatysty túsinikteme berdi. Bul týraly vedomstvo ókilderi belsendi týraly aqparat berýdi talap etip Nur-Sultandaǵy mınstrlik ǵımaratyna barǵan elordalyq belsendilerge aıtqan.

İshki ister mınıstrligi ákimshilik polısıa komıtetiniń ókili Kárim Qasymov Aǵadildiń Aqmola oblysy Sılınograd aýdanyndaǵy ýaqysha ustaý ızolátorynan qashyp shyqqanny týraly vıdeo aıǵaq bar ekenin aıtqan. 

- Vıdeodan onyń syrtqy kıimin qalaı kıgeni, jaryqty qalaı sóndirgeni kórinedi. Ol "aıaǵym aýyrady, biraz jazyp alaıyn" dep dálizde júrýge suranǵan. Onyń serýendeýge quqyǵy bar. Kezekshi dalada sýyq bolǵandyqtan dálizde júrýge ruqsat bergen. Súıtip júrgen kezde kezekshini telefonǵa shaqyrǵan. Al dál sol kezde ol dárethanaǵa barýǵa suranǵan. Ruqsat bergen. Súıtse syrtqy qulpynyń biri jabylmaı qalǵan eken. Sony kórip, ashyp ketip qalǵan. İzderi de bar, - dedi Kárim Qasymov.

İshki ister mınstrliginiń taǵy bir ókili Abaı Qaıyrbekov Dýlat Aǵadil týraly aqparat berýdi talap etken belsendilerge "oqıǵa oryn alǵan Aqmola oblysy Sılınograd aýdanyndaǵy ýaqytsha ustaý ızolátorynda osy iske qatysty tergeý júrip jatqanyn" aıtty. Tergeý júrip jatqanyna baılanysty basqa málimetter aıtylmaıtyn aıtqan Qaıyrbekov Aǵadildi izdep jatqandaryn málimdedi. 

Mınıstrlik ókilderniń Aǵadilge qatysty aıtqan aqparatyna senbeıtinin aıtqan belsendiler "Eger Dýlat Aǵadildi búgin tappasa, alańǵa shyǵamyz" dedi.

Aǵadildiń ýaqytsha ustaý ızolaıatorynan "qashyp shyqqany" týraly aqparat 13 qarasha kúni keshke qaraı shyqqan.