Reseı Federasıasynyń Smolensk oblysynyń izdeý mashınalary Qyzyl Armıanyń jaýyngeri, Atyraý oblysynyń týmasy Tarabek Aıanovtyń qaldyqtaryn tapty dep jazady Qamshy.kz aqparat agenttigi pricom.kz saıtynyń deregin negizge aldy. 

Otrád komandıri Aleksandr Shıtov bıylǵy kúzde Smolensk oblysy Temkın aýdanynda ekspedısıa kezinde «Kobált» jergilikti izdeý jasaǵynyń Qyzyl Armıa sarbazy 1916 jyly týǵan Aıanov Tarabektiń (Tararbek) máıiti tapqanyn aıtty.

«Jeke Aıanov Gýrev oblysynyń Makaskıı RVK shaqyrǵan «Alǵabas »kolhozynan shyqqan. Qaıtys bolǵan jaýyngerdiń aǵasy - Aıanov Ýrazbek týraly aqparat bar», - deıdi Aleksandr Shıtov.

Araǵa biraz ýaqyt salyp Aleksandr Shıtov qaıtys bolǵan jaýynger Tarabek Aıanovtyń týystary tabylǵanyn aıtyp, súıinshi surady. Bul týraly ol óziniń feısbýk paraqshasyna jazǵan. 

"Onyń aty qujatta qate jazylypty. Shyn máninde onyń aty Tararbek emes, Turarbek bolǵan. Al týǵan kúni durys jazylǵan. Ol maıdanǵa 1920 jyly týǵan inishi Aıanov Orazbekpen birge shaqyrylǵan. Oraz Aıanov maıdannan aman-esen oralyp, onyń 7 balasy bolǵan. Qyzyl Armıanyń qaza tapqan jaýyngeri Aıanov Turarbektiń týystary Atyraýda turady", - dep jazdy Aleksandr Shıtov. 

Qaıtys bolǵan jaýyngerdiń týysqany Atyraýdaǵy belsendi Talǵat Aıan eken. Ol bul týraly óziniń feısbýk paraqshasyna jazdy. 

"77 jyldan keıin tabylǵan jaýynger. Atamnyń baýyry Aıanov Tarabek soǵys kezinde Smolensk jerinde qaza bolǵan, jatqan jeri osy kúnge deıin belgisiz bolatyn.
İnisi, meniń atam Orazbek Smolenskige birneshe ret baryp, aǵasynyń jatqan jerin taba almaı kelgenin maǵan bala kezimde aıtyp júretin.
Aleksandr Shıtov degen azamat uıymdastyrǵan izdeýshiler toby atamnyń jatqan jerin taýypty. Medalóni jaqsy saqtalypty.