Ulybrıtanıanyń Esseks graftyǵynda qaıtys bolǵan 39 vetnamdyqqa qatysty tyń derekter paıda boldy. Jergilikti polısıa qyzmetkerleri qaza tapqandardyń sýreti men týystaryna jazǵan hatyn jarıalady dep jazady Qamshy.kz aqparat agenttigi dailymail.co.uk saıtynyń deregin negizge alyp.  

Fam Tha Tra sol kúni óziniń anasyna júrek eljireterlik hat jazǵan. 

"Anashym, keshir meni. Meniń shetelge saıahatym sátti aıaqtalmady. Seni de, ákemdi de qatty-qatty jaqsy kóremin. Men óleıin dep jatyrmyn. Bul meniń sońǵy demim sekildi. Óıtkeni dem alý múmkin emes", - dep jazǵan anasyna. 

Otbasy qyzynyń Ulybrıtanıaǵa barý úshin 30 myń fýnt sterlıń tólegenin jáne ol jańa ómir bastaǵysy kelgenin aıtqan. 

Sondaı-aq 20 jastaǵy Ngýen Dın Lýon da qaza tapqandardyń qatarynda bolýy múmkin. Ol da óler aldynda otbasynan keshirim surap hat jazdy. 

Eske salaıyq, 23 qazanda Esseks graftyǵynyń polısıasy Ulybrıtanıaǵa Belgıadan kelgen júk kóliginen 39 adamnyń máıitin tapty.