Gonkongte 800 myń adam beıbit mıtıńige shyqty dep jazady Qamshy.kz aqparat agenttigi  South China Morning Post saıtynyń deregin negizge alyp. Beıbit mıtıńige ótinishti Gonkongtegi ártúrli uıymdardy biriktiretin Azamattyq adam quqyqtary maıdany (CHRF) berdi.

Bul tamyz aıynan keıingi polısıa ruqsat etken alǵashqy aksıa. Degenmen aksıa beıbit mıtıń atalsa da, polısıa demonstranttardy basyp-janshýǵa daıyn ekendigin de tilge tıek etti. 

Júzdegen myń narazylyq bildirýshiler Gonkongtyń ortalyq aýdanyndaǵy Vıktorıa parkinen bıznes aýdanyna qaraı bet aldy.

Polısıa qyzmetkerleri mıtıńke 180 myń adam qatysqanyn málimdedi. Bul sherý BUU-nyń Adam quqyqtary kúnine arnalǵan jáne 9 maýsymdaǵy narazylyq aksıalary bastalǵannan bastap alty aı ótti.

Eske salsaq, Gonkongtaǵy kúdiktilerdi Qytaıǵa berý týraly zańǵa  ózgertýler engizilgennen keıin elde mıtıńige shyǵyp, narazylyq bildirýshiler kóbeıdi. Zańǵa engizilgen túzetýler alynyp tastalǵanymen, narazylyqqa shyǵýshylar jańa talaptar qoıa bastady. Olar demokratıalyq reformalardy, jalpyǵa birdeı saılaý quqyǵyn, ákimshilik basshysy Kerrı Lamnyń otstavkasyn jáne ustaý kezindegi polısıanyń qatygezdigin táýelsiz tergeýdi talap etedi.