Bul týraly «Qamshy.kz» aqparat agentigi brıtandyq BBC telearnasynyń Orys qyzmetine silteme jasaı otyryp habarlaıdy.

Eń qyzyǵy – bul serıalda basty keıipkerdi bıyl kóktemde Ýkraına Prezıdenti bolyp saılanǵan akter Vladımır Zelenskıı somdaǵan bolatyn. Sonymen birge, 9 jeltoqsanda Vladımır Pýtın men Vladımır Zelenskıı Parıjde alǵash ret kezdeskennen keıin Reseı arnalarynan "Slýga naroda" serıalyn kórsetetini jaıly habar taraǵan. Alaıda, atalǵan serıaldyń tolyq nusqasy Pýtın men onyń aınalasyndaǵylarǵa jaqpaǵan bolýy kerek, kıno týyndydaǵy belgili epızod efırge «jaramaı» qalǵan.

Jaramaı qalatyn da jóni bar. Sújet jelisi boıynsha, Zelenskıı somdaǵan keıipker - Ýkraına prezıdenti Goloborodko qymbat saǵat pen kostúm satyp alý úshin dúkenge keledi. Onyń kómekshisi oǵan "Vladımır Pýtın shveısarıalyq Hublot (bul sózdi kómekshisi "hýblo" dep aıtady – red.) saǵatyn taǵady" dep aıtady. Al Goloborodko bolsa "Pýtın - hýblo ma?" dep suraıdy. Kómekshisi "Iá" dep jaýap beredi.

Aıta keteıik, «Normand tórttigi» otyrysynda Germanıa men Fransıanyń basshylaryna rahmet aıtqan Reseı prezıdenti, Zelenskıge ókpeli baladaı esh emeýrin tanytpaǵan edi.