Radardan joǵalyp ketken «Bek Eır» áýe kompanıasynyń ushaǵy apatqa ushyrady. Bul týraly Almaty áýejaıynyń baspasóz qyzmeti habarlady.
Áýejaı baspasóz qyzmetiniń habarlaýynsha, «Bek Eır» áýe kompanıasynyń ushaǵy áýejaıdyń syrtqy aýmaǵyna qulaǵan. Tiri qalǵandar bar. Oqıǵa ornynda tótenshe jaǵdaılar komıtetiniń qyzmetterkerleri qutqarý jumysyn júrgizip jatyr.
Búgin tańda Almatydan Nur-Sultan qalasyna ushyp shyqqan ushaq radardan joǵalyp ketkeni habarlanǵan. Áýejaı baspasóz qyzmetiniń málimetinshe Almatydan Nur-Sultan qalasyna 2100 reısimen 07:05-te ushyp shyqqan «Bek Eır» áýe kompanıasynyń ushaǵy radardan joǵalyp ketti. Bortta 95 jolaýshy jáne 5 ekıpaj múshesi bolǵan.
Pikir qaldyrý